Nau Mprơ Ơm 34:3 - Nau Brah Ndu Ngơi 2023

³ Yơk mbah Brah Yêhôva ndrel ma gâp. Phung he ndrel n'grŭp tâm rnê ma amoh Păng.

Nau Mprơ Ơm 34:3 ပူးပေါင်းရင်းမြစ်များ

I Nau Rêh Jêng 16:10

Tâm rnê hom ma amoh kloh ueh Păng; Ăn nuih n'hâm phung joi Brah Yêhôva, răm maak hom!

I Nau Rêh Jêng 29:20

Y-Đavit lah ma lĕ rngôch phung tâm rƀŭn: “Mât ton hom ma Yêhôva Brah Ndu khân may.” Lĕ rngôch phung tâm rƀŭn mât ton ma Yêhôva Brah Ndu phung chô yau khân păng, khân păng kŭnh bôk yơk mbah ma Brah Yêhôva, jêh ri kŭnh mbah panăp hađăch.

II Nau Rêh Jêng 29:30

Hađăch Hêsêkia jêh ri phung kôranh ntĭnh ma phung Lêvi mprơ tâm rnê ma Brah Yêhôva ma lĕ nau mprơ Y-Đavit jêh ri Y-Asap, nơm geh nau tâm saơ. Khân păng mprơ nau tâm rnê ma Kôranh Brah tâm nau răm maak, jêh ri khân păng chon mon yơk mbah.

Nau Mprơ Ơm 35:27

Bi ma nơm koh dŏng nau sŏng srăng ma gâp, Mra răm maak hâk răm; Jêh ri ngơi ƀaƀơ: “Brah Yêhôva dŭt toyh! Păng maak ăn nau ndrŏng ma phung oh mon Păng.”

Nau Mprơ Ơm 40:16

Ăn lĕ rngôch phung joi May Geh nau răm maak jêh ri hâk răm tâm May; Ăn phung rŏng ma nau May tâm rklaih Lah mro pô aơ: “Brah Yêhôva dŭt toyh ngăn!”

Nau Mprơ Ơm 66:8

Ơ phung bunuyh ƀon lan, tâm rnê hom ma Brah Ndu he! Ƀư hom ăn bâr nau tâm rnê Păng nteh huy tâm lam ntŭk.

Nau Mprơ Ơm 69:30

Gâp mra mprơ tâm rnê mât ton ma amoh Brah Ndu; Sŏk nau tâm rnê lah ueh gay ma yơk mbah Păng.

Nau Mprơ Ơm 69:33

Yorlah Brah Ndu iăt nau phung pưt kƀah, Jêh ri păng mâu tâm rmot ma gâp phung ƀon lan May dôl gŭ tâm ndrung.

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

Luka 1:46

H'Mari lah: “Huêng gâp tâm rnê ma Kôranh Brah,

Kôranh Oh Mon 19:17

Lĕ rngôch phung bunuyh gŭ ta ƀon Êphêsô, nđâp ma phung Yuđa jêh ri phung Grek tăng lư nau nây, khân păng klach ngăn; amoh Brah Yêsu lơ hô bu yơk.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

Nau Tâm Mpơl 14:7

Tông mpăr ngơi huy pô aơ: “Klach yơk hom ma Brah Ndu jêh ri tâm rnê Păng, yor mông Păng phat dôih tât jêh. Yơk mbah hom ma Nơm rhăk njêng trôk, neh ntu, dak mƀŭt jêh ri lĕ tu dak.”