Nau Mprơ Ơm 34:2 - Nau Brah Ndu Ngơi 2023

² Huêng gâp mra tâm rnê êng ma Brah Yêhôva, Phung dêh rhêt mra iăt jêh ri răm maak.

Nau Mprơ Ơm 34:2 ပူးပေါင်းရင်းမြစ်များ

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Nau Mprơ Ơm 105:3

Tâm rnê hom tâm amoh kloh ueh Păng; Ăn nuih n'hâm phung joi Brah Yêhôva geh nau răm maak!

Nau Mprơ Ơm 119:74

Phung klach yơk mbah ma May mra răm maak lah saơ gâp, Yorlah gâp kâp gân jêh tâm nau May ngơi.

Nau Mprơ Ơm 142:7

Mphâk lơi huêng gâp tă bơh ndrung bu nă Gay ma gâp tâm rnê lah ueh ma amoh May. Phung sŏng srăng mra gŭ jŭm gâp Yorlah May hŏ ƀư ueh ma gâp.

Nau Mprơ Ơm 44:8

Hên mprơ tâm rnê jêh ma Brah Ndu ăp nar, Jêh ri mra tâm rnê lah ueh ma Amoh May n'ho ro. (Sêla)

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

I Kôrintô 1:31

yor ri, tâm ban ma nau nchih jêh: “Mbu nơm rnê êng, tâm rnê êng hom tâm Kôranh Brah.”

II Kôrintô 10:17

“Ƀiălah mbu nơm tâm rnê êng, tâm rnê hom tâm Kôranh Brah.”