Nau Mprơ Ơm 34:14 - Nau Brah Ndu Ngơi 2023

¹⁴ Du hom đah nau mhĭk jêh ri ƀư nau ueh. Tĭng joi hom nau đăp mpăn jêh ri hăn tĭng păng.

Nau Mprơ Ơm 34:14 ပူးပေါင်းရင်းမြစ်များ

Ndrom Samƀŭt bơh Yôp 28:28

Jêh nây Păng lah ma kon bunuyh: ‘Klach yơk ma Kôranh Brah, nây jêng nau blau mĭn; Der lĕ nau mhĭk, nây jêng nau gĭt rbăng.’ ”

Nau Mprơ Ơm 120:7

Gâp ŭch nau đăp mpăn Ƀiălah dôl gâp ngơi, Khân păng ŭch ma nau tâm lơh.

Nau Mprơ Ơm 37:27

Der hom nau mhĭk jêh ri ƀư nau ueh Pôri may mra rêh n'ho ro.

Nau Mprơ Ơm 39:2

Gâp gŭ rklăk, mâu ngơi Kŏ tât nau ueh ăt mâu dơi luh bơh trôm mbung gâp; Bi ma nau rngot hao âk lơn đŏng.

Nau Hôr 13:14

Nau ntĭm bơh bunuyh blau mĭn jêng tu dak nau rêh, Kơl ăn bunuyh iăt gay klaih bơh dăk nau khĭt.

Nau Hôr 3:7

Lơi ta kơp nau blau mĭn tĭng măt may nơm ôh; Klach yơk hom ma Brah Yêhôva jêh ri du hom bơh nau mhĭk.

Nau Hôr 4:24

May chalơi hom mbung mpiăt tih mhĭk, Jêh ri der ngai bâr mbung mƀruh nchơt.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Mathay 5:9

Ueh maak ngăn ma phung ƀư nau đăp mpăn, Yorlah mra kuăl jêng kon Brah Ndu!

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Samƀŭt Pôl Njuăl Ăn Ma Phung Nsing Ta Ƀon Rôm 12:18

Tơlah dơi, ăn lĕ nuih n'hâm gŭ rêh đăp mpăn ndrel ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 12:9

Ăn nau rŏng khân may jêng ngăn. Tâm rmot hom ma nau mhĭk, ndrel ma nau ueh.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

II Kôrintô 13:11

Nau lôch dŭt, hơi phung oh, răm maak hom, srôih hom gay dơi geh tât nau nŭm rĭng, n'hao hom nuih n'hâm, du ai hom nau mĭn, gŭ rêh đăp mpăn hom, ri mơ Brah Ndu nau rŏng jêh ri nau đăp mpăn mra gŭ ndrel ma khân may.

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

I Têsalônik 4:11

Nti gŭ rêh tâm nau klăk klêm, mĭn rvê ma nau kan êng khân may nơm jêh ri pah kan ma ti khân may nơm, nâm bu hên ntĭnh jêh ma khân may;

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

ហេឞ្រើ 13:16

Lơi chuêl ôh ƀư nau ueh jêh ri tâm pă ma bunuyh êng, yorlah lĕ ndơ ƀư brah tâm ban pônây ƀư maak nuih n'hâm Brah Ndu.

I Pêtrôs 3:11

Der hom nau mhĭk, ƀư nau ueh, Joi hom nau đăp mpăn jêh ri hăn tĭng păng.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.