Nau Mprơ Ơm 34:13 - Nau Brah Ndu Ngơi 2023

¹³ Njrăng hom mpiăt may bơh nau mhĭk, Jêh ri trôm mbung may bơh ngơi nau ndơm.

Nau Mprơ Ơm 34:13 ပူးပေါင်းရင်းမြစ်များ

Ndrom Samƀŭt bơh Yôp 15:13

Kŏ tât huêng may tâm rdâng đah Brah Ndu, Jêh ri mbung may luh nau ngơi tâm ban pônây?

Nau Mprơ Ơm 141:3

Ơ Brah Yêhôva, dăn mât mơh trôm mbung gâp Jêh ri njrăng ma trô yoi gâp, tơlah păng hă.

Nau Mprơ Ơm 39:1

Gâp lah pô aơ: “Gâp mra prăp lĕ trong gâp, Gay prăp mpiăt gâp mâu ƀư tih: Tơlah dôl phung mhĭk gŭ tanăp gâp, Gâp mra mêm lơi trôm mbung gâp.

Nau Mprơ Ơm 55:11

Nau ƀư rai dôl gŭ tâm nklang ƀon tâm ban lĕ; Nau tŭn jot jêh ri nau ndơm nsong jŭm lam trong sâng.

Nau Hôr 12:19

Bâr ngơi nanê̆ ngăn gŭ nâp n'ho ro, Bi mpiăt ngơi mƀruh gŭ knŏng ƀât lât dơm.

Nau Hôr 12:22

Bâr ngơi mƀruh jêng nau tâm rmot đah Brah Yêhôva, Bi ma bunuyh ƀư nau nanê̆ ngăn mra ƀư maak nuih n'hâm Păng.

Nau Hôr 12:7

Bu lơh rlâm lơi phung ƀai, khân păng mâu hôm ôh, Ƀiălah ngih phung sŏng srăng hôm gŭ nâp.

Nau Hôr 13:3

Mbu nơm blau njrăng bâr mbung dơi mât nau rêh păng nơm, Ƀiălah nơm nđar huy ir mbung n'ho geh nau rai yot.

Nau Hôr 18:21

Rêh khĭt yor tă nau dơi bơh mpiăt, Mbu nơm rŏng păng mra sa kao play păng.

Nau Hôr 19:9

Nơm mbơh kue mâu mra klaih ôh bơh nau tâm rmal, Mbu nơm ngơi mƀruh mra rai yot.

Nau Hôr 21:23

Mbu nơm mât mbung mpiăt păng Jêng mât huêng păng nơm klaih bơh nau rêh ni.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Amôt 5:14

Tĭng joi hom nau ueh jêh ri lơi dĭng joi ôh nau mhĭk Gay ma khân may dơi gŭ rêh Pôri mơ Yêhôva Brah Ndu ma phung tahan mra gŭ ndrel ma khân may, Nâm bu khân may lah jêh.

Kôlôh 3:9

Lơi ngơi mƀruh ndrăng khân may nơm yorlah mƀăr lơi jêh bunuyh ơm ndrel ma lĕ nau kan păng

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

Yakơ 1:26

Tơlah mbu moh mĭn păng nơm jêng bunuyh dơn nau chroh, mâu njrăng mpiăt păng nơm, ƀiălah ndơm êng nuih n'hâm păng nơm, pôri dơn nau chroh bunuyh nĕ jêng dơm dam.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.

I Pêtrôs 2:1

Pôri, khân may chalơi hom lĕ nau janh ƀai, ƀlêp ƀlêr, nuih n'hâm nklă, mâu nach jêh ri lĕ nau ngơi nchơt.

I Pêtrôs 2:22

“Păng mâu mâp ƀư tih ôh, Tâm trôm mbung Păng mâu mâp saơ nau mƀruh lĕ.”