Nau Mprơ Ơm 34:11 - Nau Brah Ndu Ngơi 2023

¹¹ Hơi phung kon, iăt hom nau gâp; Gâp mra nti khân may nau klach yơk ma Brah Yêhôva.

Nau Mprơ Ơm 34:11 ပူးပေါင်းရင်းမြစ်များ

Ndrom Samƀŭt bơh Yôp 4:11

Yau mŭr dăng lĕ khĭt yor pưt mpa sa, Jêh ri phung kon yau mŭr chah rai pru pra.

Nau Mprơ Ơm 107:9

Yorlah Păng ƀư ăn mpay huêng ji hir, Jêh ri nuih n'hâm ji ngot ji hir dơi mpay hơm ma lĕ nau ueh.

Nau Mprơ Ơm 111:10

Klach yơk ma Brah Yêhôva jêng tơm ma nau blau mĭn; Mbu nơm tĭng ndô̆ nau Păng ntăm, geh nau gĭt rbăng. Nau tâm rnê ma Păng hôm ƀaƀơ n'ho ro.

Nau Mprơ Ơm 112:3

Drăp ndơ jêh ri nau ndrŏng gŭ tâm ngih păng, Jêh ri nau sŏng srăng păng hôm gŭ ƀaƀơ.

Nau Mprơ Ơm 23:1

Brah Yêhôva jêng Nơm rmăk gâp, Gâp mâu hôm pưt mpa ôh.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 66:16

Ơ lĕ rngôch phung klach yơk mbah ma Brah Ndu, văch iăt hom, Gâp mra nkoch nau Păng ƀư jêh ma huêng gâp.

Nau Hôr 1:7

Nau klach yơk ma Brah Yêhôva jêng tơm ma nau gĭt rbăng, Bi phung rluk tâm rmot ma nau blau mĭn jêh ri nau ntĭm nti.

Nau Hôr 22:6

Nti hom ăn kon se jê̆ trong păng mra tĭng, Gay nôk kêng ranh, mâu lĕ păng chalơi bơh trong nây.

Nau Hôr 4:1

Hơi phung kon, iăt hom nau mbơ̆ ntĭm nti, Rkêng tôr iăt hom gay ma khân may geh nau blau mĭn;

Nau Hôr 7:24

Pôri aƀaơ hơi phung kon gâp, rkêng tôr iăt hom, Klâng rvê hom tât ma nau gâp nti lah.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Êsai 28:9

“Pôri, ma mbu nơm may mra nti nau gĭt mĭn, Jêh ri ma mbu nơm may mra rblang gay ma gĭt vât nau may nti? Di lĕ nti ma phung kon se chalơi pu toh, Mhe rklaih pu toh ƀơh?

Yôhan 13:33

Hơi phung kon jê̆, Gâp mâu hôm gŭ ndrel ma khân may jŏ jong ôh. Khân may mra joi Gâp, jêh ri tâm ban Gâp lah jêh ma phung Yuđa: ‘Ta ntŭk Gâp hăn khân may mâu dơi hăn ôh,’ pôri aƀaơ Gâp lah ma khân may tâm ban lĕ.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.