Nau Mprơ Ơm 33:2 - Nau Brah Ndu Ngơi 2023

² Dŏng gong rêng mprơ tâm rnê hom ma Brah Yêhôva; Dŏng gong rêng loih jât rse mprơ tâm rnê hom ma Păng!

Nau Mprơ Ơm 33:2 ပူးပေါင်းရင်းမြစ်များ

II Samuel 6:5

Y-Đavit jêh ri lĕ rngôch ngih Israel kdŏ mprơ tanăp Brah Yêhôva ma lĕ ntil gong ƀư ma si sêdar, gong rêng, gong rêng loih, gâr jê̆, ndơ kreh lât ma nglau ti jêh ri ching ndrup tâm nchâm.

I Nau Rêh Jêng 15:16

Tâm ban đŏng Y-Đavit ntĭnh ma phung kôranh Lêvi ăn dơm kan phung oh nâu khân păng jêng phung mprơ mra kreh gong rêng, uh n'hôm, rgu nteh dang ăn huy gay geh bâr nteh hâk răm.

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

I Nau Rêh Jêng 25:3

Tâm phung kon Y-Jêduthun geh Y-Gêdalia, Y-Sêri, Y-Êsai, Y-Hasabia, Y-Matithia, jêh ri Y-Simei; lĕ rngôch jêng prao nuyh pah kan tâm dâng nau dơi mbơ̆ khân păng jêng Y-Jêduthun, Y-Jêduthun nơm mbơh lor ndrel ma nau uh n'hôm ma nau tâm rnê jêh ri mât ton ma Brah Yêhôva.

I Nau Rêh Jêng 25:6

Lĕ rngôch phung nây gŭ tâm dâng nau dơi mât uănh mbơ̆ khân păng gay ƀư kan mprơ tâm ngih Brah Yêhôva ma rgu dang nteh ăn huy, gong rêng jêh ri gong rêng loih, gay pah kan tâm ngih Brah Ndu. Y-Asap, Y-Jêduthun, jêh ri Y-Hêman gŭ tâm dâng nau dơi hađăch.

Nau Mprơ Ơm 144:9

Ơ Brah Ndu, gâp mra mprơ ma May du nau mprơ mhe, Gâp mra mprơ nau tâm rnê May ma gong rêng loih jât rse.

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 71:22

Ơ Brah Ndu gâp, gâp mra dŏng gong rêng gay mprơ tâm rnê ma May, Mât ton ma nau răp jăp May. Ơ Nơm Kloh Ueh Israel, Gâp mra dŏng gong rêng gay mprơ tâm rnê ma May.

Nau Mprơ Ơm 92:3

Klơ gong rêng jât rse jêh ri klơ gong rêng loih Nđâp ma rlet.

Nau Mprơ Ơm 92:4

Ơ Brah Yêhôva, May ƀư maak jêh ma gâp yor kan May; Jêh ri maak răm ma nau kan bơh ti May.

Nau Ngluh Êjipt 15:20

Aƀaơ, bu ur H'Miriam nơm mbơh lor, ruh Y-Arôn, ta ti djôt du mlâm gâr jê̆, jêh ri lĕ rngôch phung bu ur tĭng ndô̆ păng djôt gâr jê̆ da dê jêh ri pâl ntalơ̆.

Nau Tâm Mpơl 14:2

Gâp tăng tă bơh trôk nteh nâm bu nteh âk n'hor dak jêh ri nâm bu nteh nglaih ktang. Nau nteh gâp tăng nâm bu nteh gong rêng dôl khân păng kreh gong rêng.

Nau Tâm Mpơl 5:8

Tơlah Kon Biăp sŏk ndrom samƀŭt, puăn mlâm mpa rêh jêh ri bar jât ma puăn kôranh bu ranh, chon mon tanăp Kon Biăp; ăp nơm djôt du mlâm gong rêng jêh ri lĕ ngan mah dơ bêng ndơ ƀâu kah, jêng nau mbơh sơm phung kloh ueh.