Nau Mprơ Ơm 33:18 - Nau Brah Ndu Ngơi 2023

¹⁸ Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 33:18 ပူးပေါင်းရင်းမြစ်များ

I Phung Hađăch 17:6

Ăp kêng ôi jêh ri kêng mhaơ, nđak gleng piăng let jêh ri puăch tât ma păng, jêh ri păng nhêt dak n'hor.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

Êsra 8:22

Gâp geh nau prêng, mâu janh dăn hađăch du mpôl phung tahan jêh ri tahan ncho seh king n'gang hên tă bơh nơm rlăng tâm dôl hên hăn trong yorlah hên geh lah jêh ma hađăch pô aơ: “Ti Brah Ndu hên rgong lĕ rngôch bunuyh joi Păng, ƀiălah nau brah Păng jêh ri nau ji nuih Păng tâm rdâng đah ma mbu nơm dun chalơi Păng.”

Ndrom Samƀŭt bơh Yôp 36:7

Păng treng uănh ƀaƀơ tât ma bunuyh sŏng srăng, Ăn ma khân păng gŭ klơ sưng hađăch ndrel ma phung hađăch, Păng njêng khân păng nâp ngăn ngên, jêh ri khân păng geh nau yơk mro.

Nau Mprơ Ơm 111:5

Păng ăn ndơ sông sa ma phung klach yơk Păng, Jêh ri kah gĭt nau Păng tâm rnglăp mro mrăng.

Nau Mprơ Ơm 13:5

Ƀiălah gâp hŏ rnơm nsing jêh ntŭk nau ueh Kôranh Brah; Ăn nuih n'hâm gâp răm maak ma nau Kôranh Brah tâm rklaih.

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Mprơ Ơm 52:8

Ƀiălah tâm ban ma tơm ôlive ndrêh ueh Tâm ngih Brah Ndu. Gâp rnơm nsing tâm nuih n'hâm ueh Brah Ndu Tât n'ho ro mâu blau lôch ôh.

Yêrêmi 37:21

Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

I Pêtrôs 3:12

Yorlah măt Kôranh Brah treng uănh ma phung sŏng srăng, Jêh ri tôr Păng kâp iăt nau khân păng mbơh sơm. Ƀiălah muh măt Kôranh Brah tâm rdâng đah phung ƀư mhĭk.”