Nau Mprơ Ơm 33:16 - Nau Brah Ndu Ngơi 2023

¹⁶ Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nau Mprơ Ơm 33:16 ပူးပေါင်းရင်းမြစ်များ

I Phung Hađăch 20:10

Y-Ben-Hadat prơh tay bunuyh êng đŏng hăn lah pô aơ: “Tơlah ndruyh neh ta Samari geh tŏng ma lĕ tahan gâp ăp nơm dơi geh du mbăt, dăn phung brah ƀư nau mhĭk ma gâp jâk ngăn!”

I Phung Hađăch 20:15

Y-Ahap kơp tay phung kôranh tâm phung kôranh bôk nkual, geh lĕ rngôch bar rhiăng pe jât ma bar nuyh. Jêh nau nây, hađăch kơp tay lĕ rngôch phung tahan Israel, geh pơh rbăn nuyh.

II Nau Rêh Jêng 13:8

Pôri aƀaơ, khân may mĭn phung tahan âk râk, geh ndrôk kon mah Y-Jêrôbôam hŏ tŏ jêh jêng brah ma khân may, khân may klăp lah dơi tâm rdâng đah ƀon bri hađăch Brah Yêhôva hŏ ăn jêh ma phung kon sau Y-Đavit lĕ?

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

II Nau Rêh Jêng 20:23

Phung Ammôn jêh ri phung Môap dâk tâm lơh đah phung gŭ ta klơ yôk Sêir jêh ri ƀư rai lĕ khân păng. Lah ƀư rai jêh phung tahan gŭ ta Sêir, khân păng plơ̆ sĭt tâm ntâp nkhĭt ndrăng khân păng nơm.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Ndrom Samƀŭt bơh Yôp 36:7

Păng treng uănh ƀaƀơ tât ma bunuyh sŏng srăng, Ăn ma khân păng gŭ klơ sưng hađăch ndrel ma phung hađăch, Păng njêng khân păng nâp ngăn ngên, jêh ri khân păng geh nau yơk mro.

Ndrom Samƀŭt bơh Yôp 39:11

Păng hăn nsong lam dor yôk nâm bu gơ̆ ndrêch ma păng, Gay tĭng joi tơm si n'ha ndrêh.

Nau Mprơ Ơm 20:8

Lĕ bunuyh rnơm nsing ma seh jêh ri ma ndeh bu mra n'glưh lơi jêh ri prah, Bi ma he mra dâk jêh ri dâk sŏng.

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Ngluh Êjipt 14:28

Dak plơ̆ tay nkŭm bŭk ndeh seh, phung tahan ncho seh, nđâp lĕ rngôch phung tahan Pharaôn jêh ri nđâp ma phung hŏ tĭng phung Israel tâm dak mƀŭt mâu geh ôh du huê bunuyh hôm klen.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Yêrêmi 48:14

Mâm khân may dơi lah: ‘Hên jêng phung janh nănh, Jêng phung tahan ktang ntŭk tâm lơh’?

Yêrêmi 9:23

Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Ndrom Samƀŭt bơh Ôsê 10:13

Khân may hŏ chuar jêh djơh mhĭk, Rek nau mâu di, Sa play ma nau mƀruh. Yorlah may rnơm jêh ma trong khân may nơm, Jêh ri tahan may âk ngăn,

Amôt 2:14

Bunuyh nchuăt dŭt prăl mâu mra dơi rklaih ôh; Bunuyh dăng ktang mâu lĕ dơi têm n'hâm suan păng, Jêh ri bunuyh janh ktang mâu mra dơi lĕ tâm rklaih nau rêh păng nơm.

Amôt 2:15

Nơm van na mâu mra dâk nâp ôh; Jêh ri bunuyh nchuăt prăl mâu mra dơi der ngai păng nơm ôh; Bunuyh ncho seh kŏ mâu dơi rklaih lĕ păng nơm.

Yôsuê 14:12

Pônây, ăn hom ma gâp bri klơ dor yôk aơ tĭng nâm nau Brah Yêhôva ngơi jêh tâm nar nĕ, yorlah tâm rnôk nây may tăng jêh ta aơ geh phung Anakim nđâp ma lĕ ƀon toyh jêh ri nâp ngăn. Dăn Brah Yêhôva gŭ ndrel ma gâp gay gâp mprơh khân păng tĭng nâm Brah Yêhôva lah jêh.”

Phung Kôranh Phat Dôih 7:2

Brah Yêhôva lah ma Y-Gidêôn: “Rnoh bunuyh hăn tĭng may âk ir, gâp mâu jao phung Madian tâm ti khân păng ôh, klach lah phung Israel mra tâm rnê ma khân păng nơm, jêh ri lah: ‘Ti gâp nơm hŏ tâm rklaih gâp.’

Phung Kôranh Phat Dôih 7:4

Brah Yêhôva lah ma Y-Gidêôn: “Rnoh bunuyh ăt hôm e âk ir. Njŭn leo hom khân păng hăn trŭnh ta n'hor dak, jêh nây Gâp mra rlong uănh khân păng ta nây. Tơlah mbu nơm Gâp lah ma may pô aơ: ‘Ăn păng hăn ndrel may,’ pôri păng mra hăn ndrel may. Bi mbu moh Gâp lah ma may pô aơ: ‘Păng lơi hăn ndrel may,’ pôri păng mra mâu dơi hăn ôh.”

I Samuel 17:4

Nôk nây, geh du huê janh ktang luh du tă bơh rmlak phung Philistin, amoh păng Y-Gôliat, ƀon tơm ta Gat, prêh klăp lah pe met,

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.