Nau Mprơ Ơm 33:12 - Nau Brah Ndu Ngơi 2023

¹² Moh bri dak geh Brah Yêhôva ƀư Brah Ndu khân păng, Moh ntil mpôl bunuyh Păng dơi săch ƀư jêng drăp ndơn păng, Geh nau ueh maak n'ho ro!

Nau Mprơ Ơm 33:12 ပူးပေါင်းရင်းမြစ်များ

II Samuel 20:19

Ƀon hên jêng du rplay ƀon nau đăp mpăn jêh ri răp jăp ngăn tâm phung Israel, ƀiălah may joi nau ƀư rai lơi du rplay ƀon tơm ma phung Israel! Mâm ƀư may ŭch ƀư rai drăp ndơn Brah Yêhôva?”

Nau Mprơ Ơm 135:4

Yorlah Brah Yêhôva hŏ săch jêh Yakôb ma Păng nơm, Sŏk phung Israel jêng drăp ndơn êng ma Păng.

Nau Mprơ Ơm 144:15

Ueh maak yơh ma phung ƀon lan geh nau tâm ban pônây! Ueh maak yơh phung ƀon lan geh Brah Yêhôva jêng Brah Ndu khân păng!

Nau Mprơ Ơm 28:9

Dăn Kôranh Brah rklaih ƀon lan May jêh ri ăn nau ueh lăng ma drăp ndơn May; Dăn mât chiă jêh ri kuăn rdâng khân păng ƀaƀơ n'ho ro.

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Ngluh Êjipt 34:9

Păng ngơi: “Ơ Kôranh Brah! Tơlah gâp geh nau yô̆ tanăp măt Kôranh Brah, dăn Kôranh Brah hăn ndrel hên. Nđâp lah aơ jêng phung ƀon lan dăng ko, dăn Kôranh Brah yô̆ an ma nau djơh mhĭk jêh ri nau tih hên jêh ri dơn hên jêng drăp ndơn Kôranh Brah.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.