Nau Mprơ Ơm 33:10 - Nau Brah Ndu Ngơi 2023

¹⁰ Brah Yêhôva ƀư rai nau lĕ bri dak ŭch ƀư mhĭk, Păng ƀư rai nau ŭch phung ƀon lan.

Nau Mprơ Ơm 33:10 ပူးပေါင်းရင်းမြစ်များ

Nau Ntơm 11:8

Jêh nây tă bơh ntŭk nây, Brah Yêhôva ƀư ma phung bunuyh nchah du êng êng lam ntŭk klơ neh ntu, jêh ri khân păng rlu lơi nau ndâk ƀon toyh nây.

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 15:34

Ƀiălah tơlah may plơ̆ sĭt ma ƀon jêh ri lah ma Y-Apsalôm pô aơ: ‘Hơi hađăch, gâp jêng oh mon may. Kăl e, gâp jêng oh mon ma hađăch mbơ̆ may, aƀaơ aơ gâp mra jêng oh mon ma may’. Pônây, may gŭ mpeh ma gâp ƀư roh lơi nau nchră Y-Ahitôpel.

II Samuel 17:14

Y-Apsalôm jêh ri lĕ rngôch phung Israel lah da dê: “Nau nchră Y-Husai, bunuyh Arkit, jêng ueh lơn ma nau nchră Y-Ahitôpel.” Yorlah Brah Yêhôva hŏ nal jêh ŭch ƀư roh nau nchră Y-Ahitôpel, gay ăn nau mhĭk tât ma Y-Apsalôm.

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Phung Hađăch 6:9

Bunuyh Brah Ndu njuăl bunuyh hăn lah ma hađăch Israel: “Njrăng hom, lơi hăn rgăn prot ntŭk aơ ôh, yorlah phung tahan Aram dôl hăn trŭnh ta nây.”

Nêhêmi 4:9

Bi hên gŭ mbơh sơm ma Brah Ndu hên jêh ri dơm bunuyh gak nar jêh ri măng njrăng gay tâm rdâng đah khân păng.

Nau Mprơ Ơm 140:8

Ơ Brah Yêhôva, lơi May ăn phung ƀai dơi geh nau păng ŭch; Dăn lơi kơl nau nchră khân păng dơi jêng, klach khân păng n'hao êng ma khân păng nơm. (Sêla)

Nau Mprơ Ơm 21:11

Nđâp tơlah khân păng ŭch ƀư tâm rdâng ma Kôranh Brah Khân păng mĭn ƀư nau ƀai, ƀiălah khân păng mâu dơi jêng ôh.

Nau Mprơ Ơm 9:15

Phung ƀon lan tŭp jêh tâm ntu jru khân păng hŏ kuyh jêh; Jâng khân păng văk tâm nhuăl khân păng nơm nthăng jêh.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Êsêkiêl 20:32

Khân may lah pô aơ: “Hên ŭch tâm ban ma lĕ ntil mpôl bunuyh, lĕ rngôch bri dak ta klơ neh, mbah ma brah tơm si jêh ri lŭ.” Ƀiălah nau khân may ŭch mĭn nây mâu mra geh tât ôh.’

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”