Nau Mprơ Ơm 32:8 - Nau Brah Ndu Ngơi 2023

⁸ Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 32:8 ပူးပေါင်းရင်းမြစ်များ

Nau Ntơm 24:48

Gâp kŭnh bôk jêh ri chon mon tanăp măt Brah Yêhôva, tâm rnê ma Yêhôva Brah Ndu Y-Abraham kôranh gâp, Nơm hŏ njŭn leo jêh gâp tâm trong di gay săch mon bu ur, oh kôranh gâp jêng ur ma kon bu klâu păng.

II Samuel 22:33

Brah Ndu nơm jêng ntŭk gâp nde krap nâp ktang, Păng njŭn bunuyh sŏng lăp tâm trong Păng.

I Phung Hađăch 8:36

pôri dăn Kôranh Brah klơ trôk rkêng tôr iăt khân păng, yô̆ an ma nau tih ma phung oh mon May jêh ri ma phung ƀon lan Israel May. Dăn ma May sâm nti ma khân păng trong di gay ma khân păng mra hăn, jêh ri ăn dak mih tŭp tâm neh Kôranh Brah ăn jêh ma phung ƀon lan May jêng drăp ndơn.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 25:12

Mbu nơm klach yơk ma Brah Yêhôva? Păng mra ntĭm nti nơm nây tâm trong păng mra săch.

Nau Mprơ Ơm 33:18

Ri măt Brah Yêhôva uănh ma phung klach yơk ma Păng, Jêh ri phung kâp gân tâm nau ueh Păng

Nau Mprơ Ơm 34:11

Hơi phung kon, iăt hom nau gâp; Gâp mra nti khân may nau klach yơk ma Brah Yêhôva.

Nau Hôr 3:1

Hơi kon gâp, lơi ta chuêl ôh nau gâp ntĭm nti, Nuih n'hâm may djôt prăp hom nau vay ntăm bơh gâp;

Êsai 48:17

Brah Yêhôva, Nơm Tâm Chuai may, Jêng Nơm Kloh Ueh Israel lah pônây: “Gâp jêng Yêhôva Brah Ndu may, Jêng Nơm sâm nti may gay may dơi geh nau khlay, Jêh ri njŭn may tâm trong may mra hăn.

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Nau Kơp Bunuyh 9:22

Nôk ndâr tŭk gŭ ta klơ Ngih Bok bar nar mâu lah du khay, mâu lah jŏ lơn đŏng, pôri phung ƀon lan Israel ăt ndâk ngih bok jêh ri mâu hăn du luh ôh; ƀiălah tơlah ndâr tŭk hao klơ khân păng hăn tay.

Mathay 11:29

Gâp geh nuih n'hâm rdơ̆ rbăn, dêh rhêt; ăn khân may anh ndơ mbăk Gâp jêh ri nti tă bơh Gâp ri mơ huêng khân may mra rlu.