Nau Mprơ Ơm 32:6 - Nau Brah Ndu Ngơi 2023

⁶ Yor nây, lĕ rngôch bunuyh blau yơk Mbơh sơm ma May da dê tâm mông ŭch geh; Nanê̆ tơlah geh dak toyh ler tât Pôri mâu mra tât ma khân păng.

Nau Mprơ Ơm 32:6 ပူးပေါင်းရင်းမြစ်များ

Nau Mprơ Ơm 144:7

Tă bơh klơ; dăn ti May rklaih gâp, Chông an gâp rklaih bơh dak thăng toyh, Jêh ri bơh ti phung bu năch.

Nau Mprơ Ơm 4:3

Khân may mra gĭt Brah Yêhôva hŏ prăp êng jêh bunuyh blau yơk ma Păng. Tơlah gâp kuăl mbơh sơm, Brah Yêhôva mra iăt nau gâp.

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nau Mprơ Ơm 42:7

Brŏng jru tâm kuăl ndrăng păng Nteh drơu drơu nteh dak leng May; Lĕ rngôch rbuh jêh ri dak lêng May Nkŭm ta klơ gâp.

Nau Mprơ Ơm 91:7

Mra geh du rbăn nuyh mra prah ta meng may, Jêh ri rmưn nuyh prah pa ma may. Ƀiălah nau mhĭk mâu mra tât dăch may ôh.

Nau Hôr 1:28

Rnôk nây khân păng mra kuăl gâp, ƀiălah gâp mâu plơ̆ lah ôh; Ơm ôi khân păng mra joi gâp, ƀiălah mâu ôh dơi mâp gâp.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 49:8

Pô aơ Brah Yêhôva lah: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih. Gâp mra mât mray may, N'gân may jêng du nau tâm rnglăp đah phung ƀon lan, Gay ndâk njêng tay bri dak, Jêh ri gay tâm pă neh ntŭk rngot njăp ƀư drăp ndơn;

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Yôhan 7:34

Khân may mra joi Gâp, ƀiălah mâu dơi saơ; ta ntŭk Gâp gŭ, khân may mâu dơi hăn ôh.”

II Kôrintô 1:4

Păng bonh leng hên tâm lĕ nau rêh ni, pôri hên dơi sŏk nau bonh leng Brah Ndu hŏ bonh leng hên gay ma bonh leng phung êng tâm ăp nau rêh ni khân păng geh!

II Kôrintô 6:2

Yorlah Păng lah pô aơ: “Gâp dơn jêh nau may ngơi tâm nar găl, Gâp kâp kơl may jêh ta nar tâm rklaih.” Ri, aƀaơ aơ jêng nar găl; ri, aƀaơ aơ jêng nar tâm rklaih!

I Timôthê 1:16

Yor nĕ gâp dơn jêh nau yô̆ nđach jêng gay Brah Yêsu Krist tâm mpơl nau srôih n'hêl nanê̆ Păng tâm gâp, jêng nơm tih dak bôk, ăn gâp jêng leo trong ăn phung mra chroh ma Păng gay geh nau rêh n'ho ro.

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,