Nau Mprơ Ơm 32:5 - Nau Brah Ndu Ngơi 2023

⁵ Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Mprơ Ơm 32:5 ပူးပေါင်းရင်းမြစ်များ

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

I Phung Hađăch 8:50

Dăn ma Kôranh Brah yô̆ an ma phung ƀon lan May jêng phung ƀon lan ƀư tih jêh đah May, jêh ri yô̆ an lĕ rngôch nau tih khân păng ƀư tih jêh đah May; dăn ma May ƀư ma lĕ bunuyh hŏ nhŭp khân păng jêng bu nă geh nau yô̆ nđach ma khân păng,

II Nau Rêh Jêng 6:29

lah geh du huê bunuyh, mâu lah lĕ rngôch phung ƀon lan Israel May, hŏ gĭt năl jêh nau mhĭk jêh ri nau rêh ni păng, jêh ri yơr ti rle mpeh ma ngih aơ mbơh sơm jêh ri dăn moh ntil nau ŭch

Êsra 10:11

Pôri aƀaơ, mbơh hom nau tih khân may ma Yêhôva Brah Ndu chô yau khân may, jêh ri ƀư tĭng nâm nau mĭn ŭch Păng: Tâm nkhah hom khân may nơm bơh lĕ ntil mpôl bunuyh gŭ tâm n'gor jêh ri bơh phung ur bu năch.”

Ndrom Samƀŭt bơh Yôp 31:33

Tơlah gâp pôn mo nau tih gâp nâm bu Y-Ađam, Ndâp mpôn nau djơh mhĭk gâp tâm trôm nuih n'hâm,

Ndrom Samƀŭt bơh Yôp 33:27

Bunuyh nây mra mprơ tanăp kon bunuyh pô aơ: ‘Gâp hŏ ƀư tih jêh ri nkê̆ch ăn kue nau sŏng, Ƀiălah mâu geh ôh nau rmal nâm bu nau gâp mra dơn.

Nau Mprơ Ơm 103:12

Ndah nâm ngai mpeh luh nar đah mpeh nhâp nar, Pôri đŏng Păng sŏk nkhah lơi nau tih he ngai đah he dŭm âk.

Nau Mprơ Ơm 103:3

Păng yơh yô̆ an lĕ nau tih may, Ƀư bah lĕ nau ji kuet may,

Nau Mprơ Ơm 25:16

Dăn Kôranh Brah mêt uănh ta gâp jêh ri yô̆ nđach gâp, Yorlah gâp gŭ êng jêh ri rêh ni.

Nau Mprơ Ơm 25:18

Dăn sek uănh nau rêh ni jêh ri nau mhĭk tât gâp Jêh ri yô̆ an ma lĕ rngôch nau tih gâp.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 38:18

Gâp mbơh nau djơh mhĭk gâp, Gâp rngot yor nau tih gâp.

Nau Mprơ Ơm 38:19

Ƀiălah phung rlăng gâp hôm gŭ rêh jêh ri ktang, Phung tâm rmot ma gâp mâu geh nau âk đŏng.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Nau Hôr 30:20

Aơ jêng nau rêh bu ur văng tĭr, Jêh sa, jut mbung, Jêh ri lah: “Gâp mâu mâp geh ƀư nau tih ôh!”

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 2:35

May hôm ngơi: ‘Gâp mâu geh tih, Nau ji nuih Păng du ngai jêh bơh gâp!’ Aơ, yorlah may ngơi: ‘Gâp mâu geh tih.’ Yor ri Gâp mra phat dôih may

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Kan Lêvi 5:5

Pôri mbu nơm ƀư tih ma du ntil nau tâm lĕ nau ta klơ aơ, ăn păng mbơh nau tih păng hŏ ƀư jêh,

Malachi 3:8

“Bu dơi sa ntŭng đŏng ndơ Brah Ndu? Ƀiălah khân may lĕ sa ntŭng jêh ndơ Gâp!” Ƀiălah khân may hŏ lah: “Hŏ geh hên sa ntŭng ndơ Kôranh Brah?” “Khân may hŏ ntŭng jêh tâm lĕ ndơ du kô̆ tâm jât jêh ri tâm lĕ ndơ ƀư brah nhhơr.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Luka 7:47

Yor nây, Gâp lah ma may, nau tih bu ur aơ âk ngăn, ƀiălah hŏ dơi yô̆ an lĕ jêh, yor ri păng rŏng âk; bi bunuyh yô̆ an djê̆ ăt rŏng djê̆.”

Êphêsô 4:32

Ăn khân may gŭ ngao tâm nau ueh jêh ri nau rdơ̆ rbăn, yô̆ an ndrăng khân may nâm bu Brah Ndu yô̆ an jêh ma khân may tâm Brah Krist.

Yôsuê 7:19

Y-Yôsuê lah ma Y-Akan “Aơ kon, tâm rnê hom ma Yêhôva Brah Ndu Israel jêh ri tâm rnê ma Păng. Mbơh ngăn hom ma gâp nau may ƀư jêh, lơi mo du ntil ndơ ôh.”