Nau Mprơ Ơm 32:4 - Nau Brah Ndu Ngơi 2023

⁴ Yorlah nar jêh ri măng ti May n'grŭn jâk ta klơ gâp; Nau ktang gâp roh huơi nâm bu bơh phang yan kăl vai. (Sêla)

Nau Mprơ Ơm 32:4 ပူးပေါင်းရင်းမြစ်များ

Ndrom Samƀŭt bơh Yôp 16:21

Nâm bu du huê nuyh koh dŏng an kon bunuyh đah Brah Ndu, Nâm bu kon bunuyh nking n'gang nau di ma mĭt jiăng păng nơm!

Ndrom Samƀŭt bơh Yôp 30:30

Ntâu săk gâp rlơ̆ jêng krăk jêh ri plôk rŭng rsiap, Ntĭng nđăng gâp gring tâm nau duh.

Ndrom Samƀŭt bơh Yôp 33:7

Gâp mâu geh nau klach ôh ƀư ăn may klach krit, Mâu lĕ geh ndơ jâk n'grŭn mpet may.

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Nhĭm Vơl 4:8

Ƀiălah aƀaơ măt krăk lơn ônh rnga, Mâu geh ôh bunuyh gĭt năl khân păng ta trong sâng; Knŏng ntâu ndop klơ nting, Lĕ kro nâm bu tơm si.

Nau Nhĭm Vơl 5:10

Ntâu săk hên duh gring nâm bu năk gŭch Yorlah nau ji ngot su hên!

Bu ur Rut 1:13

mâm dĭng đă khân ay kâp tât khân păng văch ma toyh? Mâm dĭng khân ay mâu sŏk sai êng? Mâu ôh, hơi bar ƀăn gâp, nau rngot gâp âk lơn đah nau rngot khân ay, yorlah ti Brah Yêhôva hŏ ăn nau tât ma gâp.”

I Samuel 5:11

Yor ri, khân păng prơh tay bu kuăl lĕ rngôch phung kôranh Philistin, jêh ri lah: “Leo mplơ̆ tay hom Hip Nau Tâm Rnglăp Brah Ndu Israel, mplơ̆ sĭt păng ta ntŭk ơm, lah mâu, he jêh ri phung ƀon lan he mra khĭt!” Yorlah tâm ăp ƀon lĕ geh da dê jêh nau krit kir ma nau khĭt. Ti Brah Ndu ăn nau rêh ni toyh ngăn ta nây.

I Samuel 5:9

Ƀiălah nôk khân păng leo nglăp Hip Nau Tâm Rnglăp tât ta Gat jêh ri ti Brah Yêhôva ƀư ma ƀon toyh nây, lĕ ƀon toyh nây krit klach ngăn. Păng dong phung ƀon lan tâm ƀon nây, ntơm bơh phung mom ndăm tât ma phung bu ranh geh nau tŭl ko da dê.

I Samuel 6:9

Khân may kâp uănh hom: Tơlah Hip Nau Tâm Rnglăp hăn hao tât mpeh n'gor bri păng nơm, jêng mpeh ma Bet-Sêmes, pôri Brah Yêhôva yơh nkhŭt nau mhĭk toyh aơ ta klơ he. Tơlah mâu di, pôri he mra gĭt pô aơ mâu di ti Păng rmal ma he, ƀiălah nau tât nây dơi tât tĭng nâm nau tât êng yơh.”