Nau Mprơ Ơm 32:2 - Nau Brah Ndu Ngơi 2023

² Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Mprơ Ơm 32:2 ပူးပေါင်းရင်းမြစ်များ

Kan Lêvi 17:4

ƀiălah mâu djôt ôh mpa nây ta mpông Ngih Bok Nau Tâm Rƀŭn gay nhhơr ma Brah Yêhôva tanăp Ngih Bok Brah Yêhôva, bu mra kơp nơm nây jêng khan tih ƀư nkhŭt mham; bu mra mprơh nơm ƀư nkhŭt mham luh bơh phung ƀon lan păng.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Samƀŭt Pôl Njuăl Ăn Ma Phung Nsing Ta Ƀon Rôm 5:13

Yorlah nau tih hŏ geh tâm neh ntu êlor geh nau vay; ƀiălah dôl ê hŏ geh nau vay, nau tih bu mâu kơp nau tih ôh.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Nau Tâm Mpơl 14:5

Tâm trôm mbung khân păng mâu mâp geh nau mƀruh ôh; khân păng jêng phung bunuyh mâu geh têl khap.