Nau Mprơ Ơm 32:1 - Nau Brah Ndu Ngơi 2023

¹ Ueh maak ngăn ma bunuyh geh nau yô̆ an ma nau tih păng tih, Dơi nkŭm brôi an nau tih păng!

Nau Mprơ Ơm 32:1 ပူးပေါင်းရင်းမြစ်များ

II Samuel 12:13

Y-Đavit lah ma Y-Nathan: “Gâp hŏ ƀư tih đah Brah Yêhôva.” Y-Nathan lah ma Y-Đavit: “Brah Yêhôva jut lơi jêh nau tih hađăch, hađăch mâu mra khĭt ôh.

Nêhêmi 4:5

Lơi ta nkŭm nking nau djơh mhĭk khân păng mâu lah jut lơi nau tih khân păng tă bơh tanăp măt Kôranh Brah, yorlah khân păng hŏ nsônh nau ji nuih Kôranh Brah tanăp măt ma phung ndâk nkra.

Nau Mprơ Ơm 103:3

Păng yơh yô̆ an lĕ nau tih may, Ƀư bah lĕ nau ji kuet may,

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 128:1

Ueh maak yơh ma mbu nơm klach yơk ma Brah Yêhôva, Hăn tâm trong păng!

Nau Mprơ Ơm 40:4

Ueh maak yơh ma phung geh nuih n'hâm rnơm nsing ma Brah Yêhôva, Mâu rle nuih n'hâm ma phung sưr Mâu lah hăn tĭng ma phung mƀruh!

Nau Mprơ Ơm 42:1

Ơ Brah Ndu! Huêng gâp ŭch mĭn ma May, Tâm ban ma du mlâm jun me ji hir n'hor dak.

Nau Mprơ Ơm 45:1

Nuih n'hâm gâp bêng ler ma nau ueh ngăn; Gâp ngơi ma nau mprĭng aơ ma may; Mpiăt gâp tâm ban ma du mlâm mâng nchih du huê nơm nchih samƀŭt njêh.

Nau Mprơ Ơm 52:1

Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Nau Mprơ Ơm 53:1

Bunuyh rluk lah tâm nuih n'hâm pô aơ: “Mâu geh Brah Ndu ôh.” Khân păng rai yot da dê, ƀư lĕ kan ƀơ̆ ƀơch, Mâu geh du huê ƀư nau ueh ôh.

Nau Mprơ Ơm 55:1

Ơ Brah Ndu, dăn iăt nau gâp mbơh sơm, Lơi ta pôn ôh măt tanăp nau gâp kuăl dăn.

Nau Mprơ Ơm 84:12

Ơ Brah Yêhôva ma phung tahan, Ueh maak yơh ma bunuyh rnơm nsing ma May!

Nau Mprơ Ơm 85:2

May yô̆ an jêh phung djơh mhĭk ma phung ƀon lan May Jêh ri nkŭm lĕ rngôch nau tih khân păng. (Sêla)

Nau Mprơ Ơm 89:15

Ueh maak yơh ma mpôl băl bunuyh gĭt sŏk bâr nau răm maak! Ơ Brah Yêhôva, khân păng hăn tâm nau ang bơh muh măt May.

Êsai 1:18

Brah Yêhôva lah: “Văch hom aƀaơ, ăn he sek uănh ndrel: Nđâp tơlah nau tih khân may chăng nâm bu chăng rhŏnh, Mra jêng nglang tâm ban ma pler; Nđâp tơlah păng chăng rhưch nâm bu bok chăng, Mra jêng nglang tâm ban ma rsau biăp.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.