Nau Mprơ Ơm 31:20 - Nau Brah Ndu Ngơi 2023

²⁰ May pôn khân păng tâm ntŭk ndâp tanăp măt May Gŭ ngai đah nau kon bunuyh ŭch ƀư; May king n'gang khân păng tâm ngih bok Gŭ ngai đah mbung mpiăt tâm djrel.

Nau Mprơ Ơm 31:20 ပူးပေါင်းရင်းမြစ်များ

Ndrom Samƀŭt bơh Yôp 5:21

May mra dơi nking n'gang bơh mpiăt nau mhĭk, Mâu klach ôh lah geh nau mhĭk tât.

Nau Mprơ Ơm 10:2

Nau sưr rlau phung mhĭk hăn tĭng bunuyh o ach; Ăn khân păng tŭp tâm nau khân păng ŭch mĭn nchră hŏ ƀư jêh.

Nau Mprơ Ơm 103:11

Yorlah ndah nâm ƀah lĕ ndâr trôk đah neh, Rlau lơn ma nĕ đŏng nau ueh Păng toyh ngăn ăn mbu nơm yơk ma Păng.

Nau Mprơ Ơm 103:8

Brah Yêhôva bêng ma nau yô̆ nđach, vay ƀư ueh, Mâu gơnh duh nuih jêh ri ndrŏng ma nau ueh.

Nau Mprơ Ơm 119:124

Dăn ƀư đah oh mon May tĭng nâm nau nuih n'hâm ueh May, Jêh ri sâm nti gâp nau vay May dăp.

Nau Mprơ Ơm 124:5

Jêh ri rbuh dak lêng ktang Hŏ hoch rdu jêh nau rêh he.”

Nau Mprơ Ơm 140:3

Khân păng tôl mplanh mpiăt khân păng nâm bu mpiăt bêh, Ndôi khân păng geh dak kăch bêh ku. (Sêla)

Nau Mprơ Ơm 140:5

Phung sưr sân dăk, Khân păng nthăng rse ling nhuăl ta trong Jêh ri ƀư dăk sân ƀư mhĭk ma gâp. (Sêla)

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 32:7

May jêng ntŭk gâp nde krap: May king n'gang gâp bơh nau rêh ni; May ăn nau mprơ ma nau tâm rklaih gay nkŭm gâp. (Sêla)

Nau Mprơ Ơm 36:11

Lơi ăn jâng phung sưr tĭng ban gâp. Mâu lĕ ăn ti phung mhĭk nsot gâp du.

Nau Mprơ Ơm 36:6

Nau sŏng srăng May jêng tâm ban ma phung yôk toyh huy; Nau May phat dôih jêng tâm ban ma ntu jru ngăn. Ơ Brah Yêhôva, dăn May prăp phung bunuyh jêh ri mpô mpa.

Nau Mprơ Ơm 36:8

Khân păng mra hơm ma nau rmeh ler tâm ngih May; May mra ăn khân păng nhêt tă bơh dak krong ueh maak May.

Nau Mprơ Ơm 40:4

Ueh maak yơh ma phung geh nuih n'hâm rnơm nsing ma Brah Yêhôva, Mâu rle nuih n'hâm ma phung sưr Mâu lah hăn tĭng ma phung mƀruh!

Nau Mprơ Ơm 57:11

Ơ Brah Ndu, ăn May geh nau yơk prêh lĕ ndâr trôk. Ăn nau chrêk rmah May geh nau ang lam tâm neh ntu!

Nau Mprơ Ơm 86:14

Ơ Brah Ndu, phung sưr hao tâm rdâng jêh ma gâp, Du phung bunuyh ƀai joi gay ƀư rai ma huêng gâp; Khân păng mâu mĭn ôh May gŭ tanăp khân păng.

Nau Ngluh Êjipt 18:11

Aƀaơ gâp gĭt jêh Brah Yêhôva toyh lơn ma lĕ rngôch brah, yorlah dôl phung Êjipt ƀư mhĭk ma phung ƀon lan Păng ma nau dŭt sưr yor ri Păng dơi lơh khân păng.”

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

II Kôrintô 12:20

Yorlah gâp klach tơlah gâp tât gâp mâu mra saơ khân may nâm bu gâp kâp gân, bi khân may saơ đŏng gâp mâu di nâm bu khân may ŭch. Gâp klach ta nklang khân may geh nau tâm jin, nau mâu nach, nau duh nuih, nau mbeh, nau ngơi kek, nau nchơt, nau sưr, nau uh ah.

Galati 5:20

mbah rup brah, gŭn rƀên, tâm rlăng, tâm djrel, tâm rmot, ji nuih hâu ngăn, mbeh, mâu maak, tâm nkhah pă mpôl,

I Timôthê 6:4

nây jêng nơm sưr rlau, mâu gĭt rbăng du ntil ndơ ôh; ƀiălah păng geh nau ŭch tâm rlăch, nau tâm djrel tâm nau ngơi, ƀư nau tâm rmot, mâu geh du ai, nau mưch rmot, nau đing djơh mhĭk;

Yakơ 4:6

Ƀiălah păng ăn nau yô̆ toyh lơn, yor nây Nau Brah Ndu Ngơi lah: “Brah Ndu tâm rdâng đah phung sưr, ƀiălah ăn ma nau yô̆ ma phung dêh rhêt.”