Nau Mprơ Ơm 31:19 - Nau Brah Ndu Ngơi 2023

¹⁹ Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Nau Mprơ Ơm 31:19 ပူးပေါင်းရင်းမြစ်များ

Nau Mprơ Ơm 12:5

Yorlah bu tŭn jot phung rêh ni jêh ri phung pưt kƀah rđêng nđor, Yor ri Brah Yêhôva lah: “Aƀaơ Gâp mra dâk, Dơm khân păng ta ntŭk đăp mpăn ntŭk khân păng gŭ kâp.”

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 23:5

Kôranh Brah nkra sưng sông sa ma gâp Tanăp phung rlăng gâp; Kôranh Brah tŏ dak ƀâu kah ta bôk gâp, Kachok gâp bêng ler.

Nau Mprơ Ơm 68:28

Brah Ndu ah, ăn n'hâm toyh suan dăng May; Ơ Brah Ndu, dăn mpơl nau brah May, nâm bu May hŏ ƀư jêh ma hên.

Nau Mprơ Ơm 73:1

Nanê̆ Brah Ndu jêng ueh ngăn ma phung Israel, Nây jêng phung geh nuih n'hâm kloh rsang.

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Êsai 35:10

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter răm rhơn; Nau hâk răm n'ho ro mra gŭ ta klơ bôk khân păng. Khân păng mra bêng nau maak, Jêh ri nau rngot lŭng nter mra roh lĕ.

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Nau Kơp Bunuyh 23:23

Mâu geh nau ngơi n'hŭm-chrâng ôh dơi tâm rdâng đah phung Yakôb, Mâu đŏng geh n'hŭm pol dơi tâm rdâng đah phung Israel; Yorlah tât dôl bu mra nkoch ma Yakôb jêh ri Israel pô aơ: ‘Brah Ndu ƀư jêh lĕ nau kan khlay ngăn ngên!’

Yôhan 3:21

Ƀiălah mbu nơm ƀư tĭng nau ngăn, ri mơ văch tâm nau ang gay lĕ nau păng nơm hŏ ƀư jêh tâm Brah Ndu dơi saơ rah vah.”

Kôranh Oh Mon 15:12

Lĕ rngôch phung rƀŭn gŭ rklăk, iăt nau Y-Ƀarnaƀas jêh ri Y-Pôl nkoch bri lĕ rngôch nau mbên khlay jêh ri nau khlay, Brah Ndu đă khân păng ƀư jêh ta nklang phung bu năch.

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

II Kôrintô 5:5

Brah Ndu jêng Nơm nkra jêh he ma nau nây, jêh ri Păng ăn jêh Brah Huêng Ueh jêng ndơ mbơh ma he.

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?