Nau Mprơ Ơm 31:18 - Nau Brah Ndu Ngơi 2023

¹⁸ Ăn mbung phung mƀruh jêng mlo! Yorlah khân păng ngơi djơh, ngơi sưr jêh ri tâm rmot Ƀiălah ngơi tâm rdâng đah phung sŏng srăng.

Nau Mprơ Ơm 31:18 ပူးပေါင်းရင်းမြစ်များ

II Nau Rêh Jêng 32:16

Phung oh mon Y-Sênakêrip ăt hôm ngơi djơh tât ma Yêhôva Brah Ndu, jêh ri ngơi djơh đah Y-Hêsêkia jêng oh mon Păng.

Nau Mprơ Ơm 12:3

Brah Yêhôva mra ƀư rai lĕ rngôch bâr mbung ngơi nklă Jêh ri mpiăt ngơi sưr rlau ir

Nau Mprơ Ơm 120:2

Ơ Brah Yêhôva, rklaih an huêng gâp, Bơh mbung mƀruh Bơh mpiăt mplư ndơm.

Nau Mprơ Ơm 25:3

Ngăn yơh mâu geh du huê nơm rnơm nsing ma May geh nau bêk prêng; Knŏng phung gŭ nau tâm rlăng.

Nau Mprơ Ơm 59:12

Yor nau tih bơh mbung khân păng, Jêng nau rak rtăp jêh ri nau ngơi mƀruh luh bơh bâr mbung khân păng ngơi, Ăn khân păng geh dăk tâm nau sưr khân păng nơm!

Nau Mprơ Ơm 63:11

Ƀiălah hađăch mra hâk răm tâm Brah Ndu; Lĕ rngôch phung tâm amoh May ma nau ton săk mra geh nau yơk da dê. Bi ma mbung phung mƀruh mra mêm lơi.

Nau Mprơ Ơm 94:4

Khân păng ngơi lĕ nau sưr; Lĕ rngôch phung mhĭk ngơi blă blơ da dê.

Nau Hôr 12:19

Bâr ngơi nanê̆ ngăn gŭ nâp n'ho ro, Bi mpiăt ngơi mƀruh gŭ knŏng ƀât lât dơm.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Mathay 10:25

Oh mon dơi jêng kôranh nơm nti, oh mon jêng nâm bu kôranh păng hŏ rĭng jêh. Kôranh ngih bu rnha jêng Bêlsêbul, rlau lơn ma phung tâm ngih nây!

Mathay 12:24

Ƀiălah jêh phung Pharisi tăng pôri khân păng lŏ lah: “Bunuyh nây mâu dơi mprơh brah mhĭk, tơlah mâu tâm kôranh brah mhĭk Bêlsêbul.”

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

Yôhan 8:48

Phung Yuđa plơ̆ lah: “Hên lah Nơm Nti jêng du huê bunuyh Samari jêh ri geh brah mhĭk lơh, di mâu lah mâu?”

Kôranh Oh Mon 25:7

Tơlah Y-Pôl tât, phung Yuđa jŭr tă bơh ƀon Yêrusalem, gŭ jŭm păng jêh ri geh lĕ nau phong âk ngăn gay kât nau tih ma păng, ƀiălah khân păng mâu mpơl nau mbơh rah vah ôh.

Yuđas 1:15

gay ƀư nau phat dôih ma lĕ rngôch bunuyh, jêh ri tâm rmal lĕ rngôch phung mâu yơk ma lĕ nau mâu yơk khân păng ƀư tih jêh, jêh ri ma lĕ nau ngơi sưr bơh phung tih mâu yơk hŏ lah jêh tâm rdâng đah Păng.”

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.