Nau Mprơ Ơm 31:17 - Nau Brah Ndu Ngơi 2023

¹⁷ Ơ Brah Yêhôva, lơi ăn geh nau bêk ma gâp Yorlah gâp vah vơl dăn ma may. Ăn phung mhĭk geh nau bêk Jêh ri gŭ rklăk tâm ƀon phung khĭt!

Nau Mprơ Ơm 31:17 ပူးပေါင်းရင်းမြစ်များ

Nau Mprơ Ơm 115:17

Phung khĭt mâu lah nơm jŭr tâm ntŭk rklăk Mâu tâm rnê ma Brah Yêhôva ôh.

Nau Mprơ Ơm 31:1

Ơ Brah Yêhôva, gâp gŭ krap tâm May; Lơi ăn gâp mâp nau bêk prêng ôh; Dăn sŏk nau sŏng srăng May jêh ri tâm rklaih gâp.

Nau Mprơ Ơm 34:5

Mbu uănh n'gơr tâm Kôranh Brah mra geh nau sol ang; Khân păng mâu mra geh nau prêng măt ôh.

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Nau Mprơ Ơm 35:4

Ăn phung joi ƀư mhĭk nau rêh gâp Mra geh nau bêk prêng jêh ri bu tâm rmot; Phung ŭch ƀư mhĭk ma gâp Mra plơ̆ rŭch jêh ri bêk prêng.

Nau Mprơ Ơm 4:7

May ăn nuih n'hâm gâp bêng ler nau maak, Rlau lơn ma nau maak khân păng tơlah geh ba ƀlê jêh ri rmeh âk ndrănh krăk ƀâu.

Nau Mprơ Ơm 6:10

Lĕ phung rlăng đah gâp mra bêk prêng jêh ri klach krit; Khân păng plơ̆ rŭch ndal, nau đit ƀât lât.

Nau Mprơ Ơm 71:24

Ăp nar mpiăt gâp nkoch nau sŏng srăng May Yorlah phung joi ƀư mhĭk ma gâp Lĕ bêk jêh ri bêk prêng ngăn.

Nau Mprơ Ơm 80:4

Ơ Yêhôva Brah Ndu ma phung tahan, Ndah hôm jŏ May ji nuih ma nau phung ƀon lan May mbơh sơm?

Nau Mprơ Ơm 80:8

Ntơm bơh n'gor Êjipt, May djôt sĭt jêh du mlâm tơm krăk ƀâu; May mprơh phung mpôl băl jêh ri tăm tơm nây.

Nau Mprơ Ơm 94:17

Tơlah Brah Yêhôva mâu kơl gâp, Pôri huêng gâp gơnh jêh sĭt tâm ntŭk bri gŭ rklăk.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.