Nau Mprơ Ơm 31:15 - Nau Brah Ndu Ngơi 2023

¹⁵ Nau rêh gâp gŭ tâm ti Kôranh Brah; Tâm rklaih gâp bơh ti phung rlăng jêh ri phung ƀư mhĭk ma gâp.

Nau Mprơ Ơm 31:15 ပူးပေါင်းရင်းမြစ်များ

II Samuel 7:12

Tơlah nar may lĕ jêh, jêh ri may bê̆ch ndrel ma phung chô yau may, Gâp mra njêng noi deh may chiă uănh ntrok may, jêng noi deh may; jêh ri Gâp mra ƀư nâp ktang ma ƀon bri hađăch păng.

II Nau Rêh Jêng 14:10

Y-Asa jă hăn tâm lơh jêh ri nkrĭp dăp tahan tâm rlŭng Sêphatha dăch ta Marêsa.

Ndrom Samƀŭt bơh Yôp 24:1

“Mâm ƀư Nơm Geh Lĕ Nau Brah mâu nal nar phat dôih? Mâm ƀư bunuyh gĭt năl Păng mâu dơi saơ ôh nar nây?

Nau Mprơ Ơm 116:15

Nau khĭt phung kloh ueh Jêng khlay ngăn tanăp măt Brah Yêhôva.

Nau Mprơ Ơm 140:7

Ơ Kôranh Brah jêng Brah Yêhôva, jêng nau ktang tâm rklaih gâp, May king n'gang bôk gâp ta nar tâm lơh.

Nau Mprơ Ơm 142:6

Dăn May iăt nau gâp nter, Yor gâp jêng rêh ni ngăn ngên. Sâm rklaih an gâp bơh phung ƀư mhĭk đah gâp Yor khân păng ktang lơn ma gâp.

Nau Mprơ Ơm 143:12

Tâm nuih n'hâm ueh May, dăn nkhĭt lơi lĕ phung rlăng gâp, Ƀư rai lĕ rngôch phung tŭn jot gâp Yor gâp jêng oh mon May.

Nau Mprơ Ơm 143:3

Nơm rlăng hăn tĭng huêng gâp, Jot plên nau rêh gâp ta neh; Păng ƀư ma gâp gŭ tâm ntŭk ngo, nâm bu phung khĭt bơh jŏ jêh.

Nau Mprơ Ơm 143:9

Ơ Brah Yêhôva, rklaih an gâp bơh phung rlăng; Gâp hăn krap ta May.

Nau Mprơ Ơm 17:13

Ơ Brah Yêhôva, dăn dâk hăn hom, tâm mâp jêh ri lơh rlâm lơi khân păng! Dŏng đao May tâm rklaih huêng gâp tă bơh phung mhĭk.

Nau Mprơ Ơm 25:2

Ơ Brah Ndu gâp! Gâp rnơm nsing ma May. Ăn gâp mâu geh bêk prêng ôh; Lơi ăn phung rlăng dơi lơn ma gâp.

Nau Mprơ Ơm 91:2

Gâp mra lah ma Brah Yêhôva pô aơ: “May jêng ntŭk nde krap jêh ri jêng pôih nâp ma gâp; Ăt jêng Brah Ndu gâp, gâp rnơm nsing tâm May.”

Nau Ngluh Êjipt 40:37

Ƀiălah tơlah ndâr tŭk mâu ôh hao du klơ pôri khân păng mâu hŏ hăn ôh kŏ tât nar ndâr tŭk hao du klơ.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Luka 9:51

Tơlah dăch tât nar Brah Yêsu hao sĭt ta klơ trôk, Păng tâm nal hăn ta ƀon Yêrusalem.

Yôhan 12:27

Huêng Gâp aƀaơ geh nau uh ah ngăn. Mâm Gâp mra lah? ‘Ơ Mbơ̆, mông aơ dăn may rklaih Gâp! Ƀiălah yor tâm mông aơ Gâp hŏ văch.

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Yôhan 7:30

Jêh nây khân păng joi ŭch nhŭp Brah Yêsu, ƀiălah mâu geh du huê nto ti pah ta Păng ôh, yorlah mông Păng ê hŏ tât.

Yôhan 7:6

Brah Yêsu lah ma khân păng: “Mông gâp ê tât, ƀiălah mông khân may geh ƀaƀơ.

Kôranh Oh Mon 1:7

Păng plơ̆ lah: “Ma rnôk jêh ri mông nar Mbơ̆ nơm geh nau dơi tâm nal, nây jêng nau khân may mâu gĭt ôh.

Kôranh Oh Mon 23:11

Măng ôi taơ, Kôranh Brah tâm mpơl ma Y-Pôl jêh ri lah: “Gŭ nâp hom! Tâm ban ma may hŏ mbơh nkoch nau Gâp ta ƀon Yêrusalem, may mra mbơh nkoch ta ƀon Rôm tâm ban lĕ.”

Kôranh Oh Mon 27:24

‘Hơi Y-Pôl lơi klach ôh! May mra hăn tât tanăp Sêsar; jêh ri aơ, Brah Ndu hŏ ăn ma may lĕ rngôch phung ncho kumpăn ndrel ma may.’

II Timôthê 4:6

Yorlah ma gâp, dôl bu nkhŭt jêh tâm ban ƀư ndơ nhhơr nhêt, nar gâp khĭt dăch jêh.

II Pêtrôs 1:14

yorlah gâp gĭt hŏ tât jêh nôk gâp mra du gơnh bơh ngih njưh aơ, nâm bu Kôranh Brah he jêng Brah Yêsu Krist tâm mpơl jêh ma gâp.

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.