Nau Mprơ Ơm 30:2 - Nau Brah Ndu Ngơi 2023

² Ơ Brah Yêhôva Brah Ndu gâp! Gâp dăn ma May Jêh ri May hŏ ƀư bah gâp jêh.

Nau Mprơ Ơm 30:2 ပူးပေါင်းရင်းမြစ်များ

Nau Ntơm 20:17

Jêh nau nây, Y-Abraham mbơh sơm dăn Brah Ndu jêh ri Brah Ndu ƀư bah Y-Abimêlek, ur păng, nđâp phung oh mon bu ur hađăch gay khân păng dơi geh kon.

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

Nau Mprơ Ơm 118:18

Brah Yêhôva hŏ nduyh nkra gâp, Ƀiălah Păng mâu jao gâp ma nau khĭt ôh.

Nau Mprơ Ơm 145:1

Ơ Brah Ndu jêng Hađăch gâp, gâp mra yơk tâm rnê ma May, Mât ton ma amoh May tât ƀaƀơ n'ho ro.

Nau Mprơ Ơm 147:3

Păng ƀư bah phung geh nuih n'hâm nchah rai Jêh ri put n'grêp ntŭk sôt khân păng.

Nau Mprơ Ơm 35:24

Ơ Brah Yêhôva Brah Ndu gâp. Dăn koh dŏng gâp tĭng nau sŏng srăng Kôranh Brah; Lơi ăn khân păng geh nau mĭn gơm mưch ôh ma gâp.

Nau Mprơ Ơm 41:12

May kuăn rdâng gâp yor nau sŏng gâp; May njêng gâp gŭ nâp tanăp May n'ho ro.

Nau Mprơ Ơm 51:8

May mra ăn gâp tăng nau maak răm, hâk maak Gay lĕ nting nđăng May hŏ nkê̆ch jêh dơi geh nau hâk răm.

Nau Mprơ Ơm 6:2

Ơ Brah Yêhôva, yô̆ nđach ma gâp yorlah gâp huơi rgănh; Ơ Brah Yêhôva, dăn ƀư bah an gâp Yorlah nting nđăng gâp râm nsâr.

Nau Mprơ Ơm 88:13

Ƀiălah ơ Brah Yêhôva! Bi ma gâp, gâp vơh vơl ma May; Mbăt ang ôi, nau gâp mbơh sơm tât tanăp May.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”