Nau Mprơ Ơm 30:11 - Nau Brah Ndu Ngơi 2023

¹¹ May tâm rgâl jêh nau gâp rngot rvê jêng nau hâk maak, May pơk ao klâng ndrê gâp Jêh ri rêt rse bŭt gâp ma nau răm maak.

Nau Mprơ Ơm 30:11 ပူးပေါင်းရင်းမြစ်များ

Nau Ntơm 37:35

Lĕ rngôch phung kon bu klâu jêh ri kon bu ur hăn văch bonh leng păng da dê, ƀiălah păng dun lĕ nau bonh leng. Păng lah: “Gâp rngot klâng kŏ tât trŭnh tâm ƀon phung khĭt n'hanh kon gâp!” Pôri, mbơ̆ păng nhĭm ndăng yor klâng ma Y-Yôsep.

Nau Ntơm 45:28

Israel lah: “Kơt nĕ găp jêh! Y-Yôsep, kon bu klâu gâp, hôm rêh. Gâp mra hăn tâm mâp ma păng êlor ma gâp khĭt.”

II Samuel 6:14

Y-Đavit nsoh êphôt ƀư ma bok mhay, pâl ntalơ̆ lĕ nuih n'hâm păng tanăp Brah Yêhôva.

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

II Nau Rêh Jêng 20:3

Y-Jôsaphat klach, jêh ri tǐng joi Brah Yêhôva, jêh ri kuăl ma lĕ rngôch phung Yuđa ât sông sa.

II Nau Rêh Jêng 20:9

‘Tơlah nau mhĭk tât ma hên, mâu lah đao tak, mâu lah nau phat dôih, mâu lah nau ji kuet, mâu lah nau ji ngot, hên mra gŭ dâk tanăp ngih aơ jêh ri panăp May (yorlah amoh May gŭ tâm ngih brah aơ), jêh ri vơl dăn ma May dôl hên geh nau rêh ni hâu ngăn, May mra tăng jêh ri tâm rklaih hên.’

Nêhêmi 8:10

Y-Nêhêmi lah ma khân păng: “Hăn hom sa ndơ rmŏng-ngi, nhêt dak njŭng jêh ri njuăl du kô̆ ndơ nây ma nơm bu mâu geh nkra ôh; yorlah nar aơ jêng nar prăp êng kloh ueh ma Kôranh Brah he. Lơi ta rngot klâng ôh, yorlah nau răm maak bơh Brah Yêhôva jêng nau ktang khân may.”

Êsther 9:22

Yorlah tâm nar jêh ri khay nây, phung Yuđa hŏ dơi rklaih jêh tă bơh phung rlăng khân păng; tâm nau rêh ni plăch jêng nau răm rhơn jêh ri nar rngot klâng plăch jêng nar nau sông sa. Păng lah ma khân păng njêng nar nau sông sa jêh ri hâk răm; ăp nơm njŭn ndơ sa ndrăng khân păng, jêh ri ndơ nhhơr kơl ma phung o ach.

Nau Mprơ Ơm 149:3

Ăn khân păng tâm rnê ma amoh Brah Yêhôva ma nau pâl ntalơ̆, Dŏng gâr jê̆ jêh ri ma gong rêng nhhơr ma Păng!

Nau Mprơ Ơm 150:4

Tâm rnê hom ma Păng ma gâr jê̆ jêh ri ma nau pâl ntalơ̆! Tâm rnê hom ma Păng ma gong rêng jêh ri bâr nŭng!

Nau Mprơ Ơm 27:7

Ơ Brah Yêhôva, dăn iăt bâr gâp kuăl mbơh sơm ma May: Dăn yô̆ nđach ma gâp jêh ri dơn nau gâp.

Nau Mprơ Ơm 30:5

Yorlah nau Păng nuih knŏng ƀât lât, Bi ma nau Păng yô̆ gŭ lôch du njăr rêh. Nau nhĭm nhhiăng văch njưh dôl măng, Ƀiălah tât ơm ôi geh nau răm maak ro.

Nau Mprơ Ơm 4:7

May ăn nuih n'hâm gâp bêng ler nau maak, Rlau lơn ma nau maak khân păng tơlah geh ba ƀlê jêh ri rmeh âk ndrănh krăk ƀâu.

Nơm Nti 3:4

Geh năng nhhiăng nhĭm, geh năng gơm maak; Geh năng ndrê klâng, geh năng pâl ntalơ̆;

Êsai 25:3

Yor nây, du phung ƀon lan ktang mra tâm rnê May; Ƀon ma lĕ bri dak janh ƀai mra klach yơk ma May.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 52:33

Pônây, Y-Jêhôjakin doh lơi ao ndrung, ăp nar sông sa ndrel ma hađăch du bông nau rêh.

Luka 15:22

Mbơ̆ păng lah ma phung oh mon: ‘Sŏk ndơ̆ gơnh hom ao jong dŭt ueh nsoh an păng, dok rgên ta nglau ti păng, ntrŭp ntâu jot ma jâng păng.

Yôhan 16:20

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.

Nau Tâm Mpơl 21:4

Păng mra jut lĕ dak măt ta măt khân păng. Mâu mra geh nau khĭt ôh, mâu mra hôm geh nau klâng ndrê, nhĭm nhhiăng, mâu lah nau nđêh nji đŏng; yorlah lĕ nau tal nguay lĕ rlau lôch jêh.”