Nau Mprơ Ơm 3:5 - Nau Brah Ndu Ngơi 2023

⁵ Gâp lâng săk jêh ri hăk bê̆ch; Gâp kah rngăl, yorlah Brah Yêhôva chông n'hao gâp.

Nau Mprơ Ơm 3:5 ပူးပေါင်းရင်းမြစ်များ

Nau Mprơ Ơm 127:2

Dơm dam ngăn yơh ma nơm rngeh măng dâk ơm, Jêh ri sa ƀănh hŏt rgănh. Tâm ban lĕ Brah Ndu ăn đŏng nau hăk bê̆ch. Ma phung Păng rŏng nâm bu pônây.

Nau Mprơ Ơm 34:5

Mbu uănh n'gơr tâm Kôranh Brah mra geh nau sol ang; Khân păng mâu mra geh nau prêng măt ôh.

Nau Mprơ Ơm 4:8

Ơ Brah Yêhôva, gâp mra lâng săk jêh ri gŭ bê̆ch ma nau đăp mpăn; Yorlah knŏng du huê May mât rong gâp dơi gŭ rêh ueh mpăn.

Nau Mprơ Ơm 66:9

Păng yơh mât mơh njrăng nau rêh he, Mâu ăn jâng he mbĭr prah.

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Nau Hôr 3:24

Lah may lâng bê̆ch, mâu geh ôh ntil ndơ klach; Ngăn yơh, may mra bê̆ch jêh ri dơi hăk bê̆ch đăp mpăn.

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Kan Lêvi 26:6

Gâp mra ăn nau đăp mpăn tâm n'gor jêh ri khân may mra bê̆ch, mâu geh nơm nkrit nhhu khân may ôh. Gâp mra mprơh lơi mpa bri janh luh bơh n'gor jêh ri đao gưm mâu mra hăn rgăn ôh tâm n'gor khân may.

Kôranh Oh Mon 12:6

Ƀiălah, tâm măng êlor ma hađăch Hêrôt njŭn Y-Pêtrôs ma nau phat dôih, Y-Pêtrôs bê̆ch ta nklang bar hê tahan, ti păng kât ma bar rse rvăk jêh ri geh phung tahan gak chiă panăp bôk mpông ndrung.