Nau Mprơ Ơm 3:4 - Nau Brah Ndu Ngơi 2023

⁴ Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

Nau Mprơ Ơm 3:4 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Mprơ Ơm 119:114

May jêng ntŭk gâp krap jêh ri khêl gâp; Gâp kâp gân tâm nau May ngơi.

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 18:3

Brah Yêhôva khư ma bu tâm rnê, Gâp kuăl mbơh sơm ma Păng, Jêh ri dơi rklaih jêh tă bơh lĕ phung rlăng đah gâp.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 27:6

Aƀaơ gâp mra n'gơr bôk Prêh lơn lĕ phung rlăng nchueng jŭm gâp; Tâm ngih bok Păng, Gâp mra nhhơr ndơ ƀư brah ma bâr mprơ răm maak; Gâp mra mprơ maak jêh ri tâm rnê ma Brah Yêhôva.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 34:4

Gâp joi dăn jêh ma Brah Yêhôva jêh ri Păng plơ̆ lah ma gâp, Tâm rklaih gâp bơh lĕ nau klach.

Nau Mprơ Ơm 34:6

Phung rêh ni aơ nter kuăl jêh ri Brah Yêhôva dơn nau, Păng sâm rklaih an păng bơh lĕ rngôch nau rêh ni.

Nau Mprơ Ơm 43:3

Dăn nau ang jêh ri nau ngăn May sol ang Gay njŭn leo gâp ƀă, Njŭn gâp hao ta yôk kloh ueh, Jêng ntŭk May gŭ.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Mprơ Ơm 84:12

Ơ Brah Yêhôva ma phung tahan, Ueh maak yơh ma bunuyh rnơm nsing ma May!

Nau Mprơ Ơm 89:19

Rnôk nây, May lah ma phung kloh ueh May tâm nau tâm saơ, pô aơ: “Gâp dơm jêh du huê nơm ktang gay ma kơl may, Jêh ri n'hao du huê bunuyh dơi săch tă bơh nklang phung ƀon lan.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Nau Hôr 2:7

Păng prăp nau blau mĭn nanê̆ ma bunuyh sŏng; Păng jêng khêl ma phung rêh tâm nau sŏng,

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Nau Nhĭm Vơl 3:56

May tăng jêh nau gâp, Lơi ta nsêt ôh trôm tôr bơh nau gâp nter dăn nau kơl.

Mathay 7:7

Dăn hom, mra dơi geh; joi hom, mra saơ; goh hom, mpông mra pơk ăn ma khân may.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.