Nau Mprơ Ơm 29:2 - Nau Brah Ndu Ngơi 2023

² Yơk mbah Brah Yêhôva ma nau chrêk rmah khư ma amoh Păng; Nkrơ̆ hom ma nau kloh ueh gay ma yơk mbah Brah Yêhôva.

Nau Mprơ Ơm 29:2 ပူးပေါင်းရင်းမြစ်များ

II Nau Rêh Jêng 20:21

Hađăch tâm chră jêh đah phung ƀon lan jêh ri păng dơm phung mprơ gay mât ton ma Brah Yêhôva. Khân păng nsoh ao kloh ueh, n'ho chuat panăp phung tahan n'ho tâm rnê Brah Ndu pô aơ: “Tâm rnê lah ueh hom ma Brah Yêhôva, Yorlah nau ueh Păng hôm e tât ƀaƀơ n'ho ro.”

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Mprơ Ơm 90:17

Ăn nau yô̆ May jêng Brah Ndu phung hên ƀư tŭp ta klơ hên; Dăn May ƀư nâp nau kan ti phung hên; Di yơh, dăn ƀư nâp nau kan ti phung hên.

Nau Mprơ Ơm 96:6

Nau rnam jêh ri nchrat ang gŭ tanăp Păng; Nau Brah jêh ri nau ueh gŭ tâm ntŭk kloh ueh Păng.

Nau Mprơ Ơm 97:9

Yorlah ơ Brah Yêhôva! May jêng Nơm Dŭt Prêh ma lĕ rngôch neh ntu, May geh nau yơk rlau lơn ma lĕ rngôch brah.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.