Nau Mprơ Ơm 29:10 - Nau Brah Ndu Ngơi 2023

¹⁰ Brah Yêhôva gŭ ta klơ dak lip; Di yơh, Brah Yêhôva gŭ ta klơ sưng hađăch tât n'ho ro.

Nau Mprơ Ơm 29:10 ပူးပေါင်းရင်းမြစ်များ

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

Ndrom Samƀŭt bơh Yôp 38:25

Mbu nơm kuyh n'hor ăn rchoh dak sor, Tor trong ma nglaih dah,

Nau Mprơ Ơm 10:16

Brah Yêhôva ƀư hađăch tât ƀaƀơ n'ho ro; Lĕ bri dak bu mra ƀư rai tă bơh neh Păng.

Nau Mprơ Ơm 29:3

Bâr Brah Yêhôva tăng ntoh ta klơ măt dak; Yêhôva Brah Ndu chrêk rmah luh lơp nglaih, Ta klơ dak mƀŭt jru.

Nau Mprơ Ơm 65:7

May buay dak rlai ngrông huy, Mpiăt dak khuh lŭng nter; Păng buay nau uh ah mpôl băl bunuyh.

Nau Mprơ Ơm 9:8

Păng mra phat dôih neh ntu tĭng nau sŏng srăng, Sŏk nau di jêh ri phat dôih phung ƀon lan.

Nau Mprơ Ơm 93:1

Brah Yêhôva chiă uănh, Păng nsoh nau rnam. Brah Yêhôva nsoh jêh ri rêt rse bŭt ma nau ktang. Neh ntu dơi njêng nâp, mâu mâp n'gơ ôh.

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Markôs 4:41

Phung oh mon klach dŭt n'hâm ngăn, lah ndrăng khân păng: “Mbu moh bunuyh aơ nđâp ma sial jêh ri dak mƀŭt tông bâr păng ntrŭnh da dê?”

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.