Nau Mprơ Ơm 28:9 - Nau Brah Ndu Ngơi 2023

⁹ Dăn Kôranh Brah rklaih ƀon lan May jêh ri ăn nau ueh lăng ma drăp ndơn May; Dăn mât chiă jêh ri kuăn rdâng khân păng ƀaƀơ n'ho ro.

Nau Mprơ Ơm 28:9 ပူးပေါင်းရင်းမြစ်များ

II Samuel 21:3

Y-Đavit ôp phung Gibêôn: “Moh nau gâp ƀư ma khân may? Jêh ri moh ndơ gâp mra sŏk ŭch ƀư kloh nau tih; gay ma khân may dơi mât ton ma drăp ndơn Brah Yêhôva?”

II Samuel 7:7

Tâm lam ntŭk Gâp gŭ ta nklang phung ƀon lan Israel, Gâp ê hŏ mâp lah ma du kôranh chiă uănh tâm phung ndŭl mpôl Israel, jêng nơm rmăk biăp ma phung ƀon lan Gâp pô aơ: Mâm dĭng khân may mâu ndâk ôh ma Gâp du mlâm ngih brah ma tơm si sêdar?’

I Phung Hađăch 8:51

yorlah khân păng jêng phung ƀon lan May, jêng drăp ndơn May hŏ njŭn leo jêh bơh Êjipt, jêng luh bơh ŭnh năk loih.

I Phung Hađăch 8:53

Hơi Kôranh Brah jêng Brah Yêhôva! Kôranh Brah hŏ prăp êng phung Israel luh tă bơh lĕ rngôch phung ƀon lan klơ neh ntu, gay ma khân păng jêng drăp ndơn May, tĭng nâm May mbơh jêh ma bâr mbung Y-Môis jêng oh mon May, dôl May ngluh phung chô yau hên du luh bơh Êjipt.”

Êsra 1:4

Jêh ri phung ƀon lan gŭ ta ntŭk phung Yuđa hôm e klen dôl gŭ rêh, ăn kơl khân păng ma prăk, mah, drăp ndơ, mpô mpa rong, nđâp ma lĕ ndơ nhhơr hŏ mĭn jêh ma ngih Brah Ndu ta Yêrusalem.’ ”

Nau Mprơ Ơm 14:7

Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!

Nau Mprơ Ơm 25:22

Ơ Brah Ndu! Tâm chuai phung Israel Bơh lĕ nau rêh ni.

Nau Mprơ Ơm 78:71

Păng djôt Y-Đavit luh bơh phung biăp hôm pu Gay ma păng mât chiăp Y-Yakôb jêng phung ƀon lan Păng, Jêh ri Israel jêng drăp ndơn Păng.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 46:3

“Ơ ngih Yakôb jêh ri lĕ rngôch phung hôm klen bơh ngih Israel, Iăt hom Gâp, Gâp hŏ mât mray jêh khân may ntơm bơh hôm tâm ndŭl me, Ut ra-u khân may ntơm nôk mhe deh;

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Mathay 2:6

‘Hơi ƀon Ƀêtlêhem, tâm n'gor Yuđa! May mâu ôh di jê̆ lơn đah lĕ ƀon toyh tâm n'gor Yuđa, Yorlah tă bơh may yơh mra mpơl du huê kôranh chiă uănh, Păng mra rmăk biăp phung Israel Gâp.’ ”

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Nau Vay Nkah Tay 1:31

Tâm bri rdah, jêng ntŭk khân may saơ jêh Yêhôva Brah Ndu hŏ chông khân may nâm du huê mbơ̆ chông kon păng hăn rgăn ăp trong kŏ tât khân may lăp ta ntŭk aơ.’

Nau Vay Nkah Tay 32:9

Yorlah kô̆ prăp ma Brah Yêhôva jêng phung ƀon lan Păng, Y-Yakôb jêng drăp ndơn prăp ma Păng.

Nau Vay Nkah Tay 9:26

Gâp hŏ mbơh sơm ma Brah Yêhôva: ‘Hơi Kôranh Brah, Brah Yêhôva, dăn Kôranh Brah lơi ƀư rai ôh phung ƀon lan May, jêng drăp ndơn May, jêng phung ƀon lan May hŏ tâm chuai jêh ma nau rnam dŭt prêh May, jêh ri hŏ njŭn leo khân păng luh bơh n'gor Êjipt ma ti nau rnam May.

Nau Vay Nkah Tay 9:29

Ƀiălah khân păng jêng phung ƀon lan May, jêng drăp ndơn dĭng May hŏ dŏng jêh nau rnam toyh jêh ri yơr ti dŭt dăng gay djôt leo khân păng luh bơh Êjipt.’”