Nau Mprơ Ơm 28:7 - Nau Brah Ndu Ngơi 2023

⁷ Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 28:7 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Mprơ Ơm 13:5

Ƀiălah gâp hŏ rnơm nsing jêh ntŭk nau ueh Kôranh Brah; Ăn nuih n'hâm gâp răm maak ma nau Kôranh Brah tâm rklaih.

Nau Mprơ Ơm 13:6

Gâp mra mprơ ma Brah Yêhôva, Yorlah Păng ƀư jêh nau ueh ma gâp.

Nau Mprơ Ơm 19:14

Ơ Brah Yêhôva jêng Lŭ Toyh jêh ri Nơm Tâm Chuai gâp, Ăn bâr mbung nau gâp ngơi, Jêh ri nau mĭn rvê tâm nuih n'hâm gâp tĭng mĭn ueh May ŭch!

Nau Mprơ Ơm 21:1

Ơ Brah Yêhôva, hađăch răm maak yor nau ktang May, Yorlah nau May tâm rklaih, păng hâk răm hâu ngăn!

Nau Mprơ Ơm 22:4

Phung chô yau hên rnơm nsing ntŭk Kôranh Brah, Khân păng rnơm nsing ma May jêh ri dơi tâm rklaih.

Nau Mprơ Ơm 28:8

Brah Yêhôva jêng nau ktang ma ƀon lan Păng. Jêng pôih tâm rklaih ma nơm Păng tŏ dak ƀâu kah.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 3:4

Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

Nau Mprơ Ơm 33:21

Nuih n'hâm hên mra geh nau răm maak tâm Păng Yorlah hên rnơm nsing jêh tâm Amoh Kloh Ueh Păng.

Nau Mprơ Ơm 37:39

Nau tâm rklaih phung sŏng srăng văch tă bơh Brah Yêhôva; Păng jêng pôih nâp khân păng tâm rnôk rêh ni.

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nau Mprơ Ơm 43:2

Ơ Brah Ndu! May jêng pôih nâp ma gâp. Mâm ƀư May chalơi gâp? Mâm ƀư gâp rngot klâng. Tâm dâng nau tŭn jot phung rlăng?

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:2

Yor ri, hên mâu klach ôh, nđâp lah neh ntu geh nau rgâl, Yôk mpât n'gơ jêh ri bu klŭp tâm nklang dak mƀŭt.

Nau Mprơ Ơm 69:30

Gâp mra mprơ tâm rnê mât ton ma amoh Brah Ndu; Sŏk nau tâm rnê lah ueh gay ma yơk mbah Păng.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Mprơ Ơm 91:4

Păng mra sŏk rsau Păng king n'gang may Jêh ri may mra du krap tâm dâng năr Păng; Nau răp jăp Păng jêng khêl toyh jêh ri khêl jê̆ may.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êphêsô 6:10

Nglĕ dŭt, ăn khân may ktang tâm Kôranh Brah jêh ri rnơm ma nau ktang brah Păng.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,