Nau Mprơ Ơm 28:5 - Nau Brah Ndu Ngơi 2023

⁵ Yorlah khân păng mâu gĭt năl ôh lĕ nau kan Brah Yêhôva, Jêh ri kan ndâk ti Păng ƀư. Păng mra ƀư rlâm khân păng, Mâu hôm rdâk khân păng đŏng ôh.

Nau Mprơ Ơm 28:5 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

II Samuel 7:27

Hơi Brah Yêhôva ma phung tahan, jêng Brah Ndu phung Israel, May nơm hŏ lah jêh nau ton aơ ma oh mon May pô aơ: ‘Gâp mra njêng du nau chiă uănh ma may.’ Yor nây, oh mon May dơi janh nhhơr nau mbơh sơm aơ ma May.

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

Nau Mprơ Ơm 10:5

Trong păng geh jêng nau ndrŏng ƀaƀơ; Nau Kôranh Brah phat dôih prêh ngăn, păng mâu dơi gĭt rbăng; Păng mưch lĕ rngôch phung rlăng đah păng.

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 8:3

Tơlah gâp n'gơr uănh lĕ ndâr trôk jêng nau kan tă bơh nglau ti Kôranh Brah, Măt khay jêh ri lĕ mănh mbing Kôranh Brah hŏ rhăk njêng jêh

Êsai 22:11

Khân may lŏ ndâk ntu prăp dak vah vang bar tăp mpêr ƀon gay prăp dak bơh dak nglao ơm, ƀiălah khân may mâu rnơm ôh ma Nơm ƀư nau nây; khân may mâu uănh ma Nơm hŏ ŭch ƀư nau nây bơh kăl e.

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 5:12

Tâm nau khân păng nhêt sông maak, Geh gong rêng loih, gông rêng, gâr jê̆, n'hôm jêh ri ndrănh; Ƀiălah khân păng mâu meng ma kan Brah Yêhôva ôh, Mâu lĕ saơ kan ti Păng ƀư.

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Nau Kơp Bunuyh 23:23

Mâu geh nau ngơi n'hŭm-chrâng ôh dơi tâm rdâng đah phung Yakôb, Mâu đŏng geh n'hŭm pol dơi tâm rdâng đah phung Israel; Yorlah tât dôl bu mra nkoch ma Yakôb jêh ri Israel pô aơ: ‘Brah Ndu ƀư jêh lĕ nau kan khlay ngăn ngên!’

Yôhan 12:37

Nđâp tơlah Brah Yêsu hŏ ƀư âk nau khlay tanăp khân păng kđôi lĕ, ƀiălah khân păng ăt mâu chroh lĕ ma Brah Yêsu,

Samƀŭt Pôl Njuăl Ăn Ma Phung Nsing Ta Ƀon Rôm 1:20

Lĕ nau Brah Ndu măt kon bunuyh mâu dơi saơ, nâm bu ntĭt nau brah n'ho ro jêh ri nau brah Păng nơm, ntơm bơh rhăk njêng neh ntu, bu hŏ dơn gĭt jêh rah vah tơlah ntreng uănh lĕ ndơ Păng njêng; yor nây khân păng mâu dơi koh dŏng khân păng nơm ôh.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.