Nau Mprơ Ơm 28:3 - Nau Brah Ndu Ngơi 2023

³ Lơi ta têk gâp hăn ndrel ma phung janh ktang Mâu lah phung ƀư djơh, Jêng phung ngơi đăp mpăn ma phung chiau meng khân păng, Ƀiălah tâm trôm nuih n'hâm bêng ma nau djơh mhĭk.

Nau Mprơ Ơm 28:3 ပူးပေါင်းရင်းမြစ်များ

Nau Mprơ Ơm 10:14

Ƀiălah, Kôranh Brah hŏ saơ jêh! Kôranh Brah uănh kŏ tât nau rêh ni jêh ri ji ngăn; Păng sek uănh gay yơr ti ƀư. Phung rêh ni jao khân păng nơm ma Kôranh Brah; May jêng Nơm kơl phung kon đơi.

Nau Mprơ Ơm 10:7

Trôm mbung păng bêng ma nau rak rtăp, mƀruh ndơm jêh ri nau thăm rmat; Mpiăt păng ngơi nau mhĭk jêh ri nklă nchơt.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Mprơ Ơm 141:4

Lơi ăn nuih n'hâm gâp rle mpeh ma nau mhĭk ôh Gay ƀư nau djơh mhĭk ndrel phung ƀai; Jêh ri lơi ăn gâp sa ndơ kah khân păng.

Nau Mprơ Ơm 26:9

Lơi ta sŏk huêng gâp hăn ndrel ma phung tih, Mâu lĕ may chalơi nau rêh gâp ndrel ma phung ƀư rung mham.

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 52:1

Hơi bunuyh janh ktang, mâm ƀư may ntưih êng ma nau janh? Nau ueh Brah Ndu hôm mro mrăng.

Nau Mprơ Ơm 55:21

Bâr mbung păng mbĭr tâm ban ma dak ngi Ƀiălah tâm nuih n'hâm nchră mĭn nau tâm lơh. Nau ngơi păng ueh lơn ma ngi Ƀiălah jêng đao tŏk rơm lơi jêh.

Nau Mprơ Ơm 62:4

Khân păng knŏng tâm nchră gay ma ƀư rlâm lơi păng bơh ntŭk bu yơk. Khân păng rŏng ma nau mƀruh, Bâr mbung ăn nau ueh uĭn Ƀiălah tâm nuih n'hâm khân păng rak rtăp. (Sêla)

Nau Mprơ Ơm 7:14

Ri phung ƀai hŏ ntreo ma nau djơh mhĭk, Păng ntreo ma nau mhĭk, Jêh ri luh ma nau mƀruh.

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Nau Kơp Bunuyh 16:26

Păng lah ma phung tâm rƀŭn: “Aƀaơ, du ngai hom tă bơh ngih bok phung janh ƀai aơ, jêh ri lơi pah moh ndơ prăp ma khân păng, klach lah khân may mra khĭt yorlah nau tih khân păng.”

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”