Nau Mprơ Ơm 28:2 - Nau Brah Ndu Ngơi 2023

² Tơlah gâp yơr ti rle mpeh ma ntŭk dĭ kloh ueh Kôranh Brah Gay dăn ma May, Dăn iăt hom bâr gâp kuăl vah vơl.

Nau Mprơ Ơm 28:2 ပူးပေါင်းရင်းမြစ်များ

I Phung Hađăch 6:19

Hađăch ndrăp nkra đŏng kô̆ tâm trôm dŭt tâm ngih brah ƀư Ntŭk Dŭt Kloh Ueh gay dơm Hip Nau Tâm Rnglăp Brah Yêhôva ta nây.

I Phung Hađăch 6:5

Tĭng nâm mpir ngih brah, hađăch ndâk lĕ jrô prêh văr jŭm ngih brah jêh ri ntŭk kloh ueh; hađăch ƀư đŏng âk jrô văr jŭm.

I Phung Hađăch 8:38

tơlah geh du huê bunuyh mâu lah lĕ rngôch phung ƀon lan Israel Kôranh Brah lĕ nuih n'hâm gĭt năl ma nau rêh ni khân păng nơm, jêh ri yơr ti rle mpeh ma ngih brah aơ gay mbơh sơm, vơh vơl ma lĕ rngôch nau,

II Nau Rêh Jêng 6:13

(Păng hŏ ƀư jêh du mlâm râng ƀư ma kông, jong bar met n'gul, dĭ bar met n'gul, prêh du met n'gul, n'gân ta nklang vâl nhuang; jêh ri păng dâk ta nây, jêh nây chon kômâk tra năp măt phung Israel tâm rƀŭn, păng yơr ti klơ trôk.)

Nau Mprơ Ơm 125:5

Bi ma phung ŭch tĭng ndô̆ nau kue, Brah Yêhôva mra mprơh khân păng ndrel ma phung ƀư mhĭk. Ăn nau đăp mpăn gŭ ta phung Israel!

Nau Mprơ Ơm 130:2

Ơ Kôranh Brah! Iăt hom bâr gâp kuăl; Dăn tôr May gŭ rkêng ma bâr gâp vơh vơl dăn.

Nau Mprơ Ơm 134:2

Yơr hom ti khân may rle mpeh ma ntŭk kloh ueh, Jêh ri tâm rnê ma Brah Yêhôva!

Nau Mprơ Ơm 138:2

Gâp mra yơk mbah mpeh ma ngih brah kloh ueh May, Lah ueh ma amoh May yor nuih n'hâm ueh jêh ri nau răp jăp May. Yorlah Kôranh Brah hŏ ƀư ma nau May ngơi jêh ri amoh May Dơi geh nau yơk lơn đah lĕ rngôch.

Nau Mprơ Ơm 140:6

Gâp lah ma Brah Yêhôva pô aơ: “May jêng Brah Ndu gâp. Hơi Brah Yêhôva! Rkêng hom tôr May iăt bâr gâp vơl dăn.”

Nau Mprơ Ơm 141:1

Ơ Brah Yêhôva, Gâp kuăl mbơh sơm jêh ma May văch gơnh dăch gâp. Rkêng hom tôr ma bâr gâp, tơlah gâp kuăl mbơh sơm ma May.

Nau Mprơ Ơm 141:2

Ăn nau gâp mbơh sơm jêng nâm bu ndơ ƀâu kah nhhơr tanăp May, Jêh ri ti gâp yơr nâm bu ndơ ƀư brah mhaơ!

Nau Mprơ Ơm 143:6

Gâp yơr ti let mpeh ma May; Huêng gâp ji hir ma May nâm bu neh sơh. (Sêla)

Nau Mprơ Ơm 5:7

Bi ma gâp, yor nau ueh Kôranh Brah âk ngăn, Gâp mra lăp tâm ngih Kôranh Brah, Gâp mra sŏk nau klach yơk Ma nau yơk mbah tanăp ngih brah kloh ueh May.

Nau Mprơ Ơm 63:4

Pôri gâp mra tâm rnê lah ueh ma May lĕ nau rêh gâp; Tâm amoh May, gâp mra yơr ti.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.

Daniel 6:10

Tơlah Y-Daniel gĭt hađăch nchih amoh jêh tâm samƀŭt pôri păng lăp tâm ngih, hao tâm du jrô prêh, ntŭk geh mpông bloh jê̆ rle ma ƀon Yêrusalem. Ta nây, pe tơ̆ ăp nar păng chon kômâk mbơh sơm jêh ri mprơ tâm rnê ma Brah Ndu nâm bu păng vay ƀư ntơm saơm tât aƀaơ.

Daniel 6:11

Rnôk nây, phung nây tâm rnglăp ndrel jêh ri saơ Y-Daniel mbơh sơm jêh ri vơl dăn ma tanăp Brah Ndu păng.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.