Nau Mprơ Ơm 27:9 - Nau Brah Ndu Ngơi 2023

⁹ Ơ Brah Ndu jêng Nơm tâm rklaih gâp, Lơi ta pôn măt Kôranh Brah ma gâp, Lơi ta mprơh oh mon Kôranh Brah tâm rnôk Kôranh Brah ji nuih. Êlor Kôranh Brah jêng nau sâm kơl gâp. Lơi ta chalơi gâp, lơi ta mƀăr gâp.

Nau Mprơ Ơm 27:9 ပူးပေါင်းရင်းမြစ်များ

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 102:2

Tâm nar rêh ni, Lơi pôn ôh măt May ma gâp; Rkêng tôr iăt ma gâp; Tâm nar gâp kuăl dăn, gơnh oi mplơ̆ lah nau gâp.

Nau Mprơ Ơm 102:3

Yorlah lĕ nar gâp lêk nâm bu thŭl tŭk, Nting gâp rai nâm bu ŭnh sa ônh tâm ŭnh năk.

Nau Mprơ Ơm 119:121

Gâp ƀư jêh nau di jêh ri nau sŏng srăng; Lơi ta jao gâp ma phung tŭn jot gâp.

Nau Mprơ Ơm 13:1

Hơi Brah Yêhôva! Ndah jŏ dĭng ƀaƀơ nau May chuêl? May pôn măt ma gâp ndah jŏ?

Nau Mprơ Ơm 143:7

Ơ Brah Yêhôva! Gơnh plơ̆ sǐt lah nau gâp dăn! Huêng gâp rgănh huơi. Lơi pôn măt May ma gâp, Klach lah gâp tâm ban ma phung jŭr ta môch.

Nau Mprơ Ơm 24:5

Bunuyh nây mra dơn nau ueh uĭn tă bơh Brah Yêhôva Jêh ri nau sŏng srăng tă bơh Brah Ndu jêng Nơm tâm rklaih păng.

Nau Mprơ Ơm 44:24

Mâm ƀư May pôn măt May? Mâm ƀư may chuêl nau rêh ni jêh ri nau bu tŭn jot hên?

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Nau Mprơ Ơm 69:17

Lơi ta May pôn măt đah phung oh mon May, Yorlah gâp mâp nau rêh ni; Dăn gơnh oi mplơ̆ lah nau gâp.

Nau Mprơ Ơm 69:18

Dăn Kôranh Brah hăn dăch ta huêng gâp jêh ri tâm chuai gâp, Tâm rklaih gâp, yor phung rlăng gâp.

Nau Mprơ Ơm 88:1

Ơ Yêhôva Brah Ndu jêng nau tâm rklaih gâp, Măng nâm nar gâp kuăl dăn tanăp May.

Êsai 50:1

Brah Yêhôva lah: “Ta ntŭk pŏk samƀŭt tâm chalơi ur sai mê̆ may Ma samƀŭt nây Gâp chalơi jêh păng? Mâu lah tâm phung tơm rnon ma Gâp Mbu moh Gâp tăch khân may? Aơ, yor nau kue may yơh dĭng bu tăch khân may; Yor nau khân may ƀư tih rĭ dĭng bu chalơi jêh mê̆ khân may.

Êsai 59:2

Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”