Nau Mprơ Ơm 27:6 - Nau Brah Ndu Ngơi 2023

⁶ Aƀaơ gâp mra n'gơr bôk Prêh lơn lĕ phung rlăng nchueng jŭm gâp; Tâm ngih bok Păng, Gâp mra nhhơr ndơ ƀư brah ma bâr mprơ răm maak; Gâp mra mprơ maak jêh ri tâm rnê ma Brah Yêhôva.

Nau Mprơ Ơm 27:6 ပူးပေါင်းရင်းမြစ်များ

Nau Ntơm 40:13

Hôm pe nar Pharaôn mra yô̆ an may jêh ri ăn tay nau pah kan ma may; may mra nhhơr ndrănh ta ti Pharaôn nâm bu may ƀư lor dôl may hôm jêng kôranh djôt kachok.

Nau Ntơm 40:20

Tât nar tal pe, jêng kah gĭt nar deh Pharaôn, hađăch ƀư nau sông sa ma lĕ rngôch phung oh mon păng, jêh ri ăn ma kôranh djôt kachok jêh ri kôranh ƀư piăng let luh bơh ndrung.

II Samuel 22:1

Tơlah Brah Yêhôva hŏ tâm rklaih jêh Y-Đavit tă bơh ti Y-Sôl, păng mprơ ma nau ngơi aơ gay tâm rnê ma Brah Yêhôva:

II Samuel 22:49

Jêh ri rklaih gâp bơh phung rlăng. Kôranh Brah n'hao gâp ta klơ prêh lơn phung rlăng gâp, Jêh ri rklaih gâp bơh phung janh ƀai.

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

II Phung Hađăch 25:27

Tâm nar bar jât ma pơh khay jât ma bar, năm rơh pe jât ma pơh ntơm bơh nar Y-Jêhôjakin, hađăch Yuđa, jêng bu nă, jêng năm Y-Êvil-Mêrôdak, hađăch Babilôn ntơm chiă uănh, hađăch nây yô̆ an ma Y-Jêhôjakin, hađăch Yuđa, njŭn leo luh bơh ndrung bu nă.

I Nau Rêh Jêng 22:18

“Mâu di hĕ Yêhôva Brah Ndu khân may gŭ ndrel ma khân may? Păng ăn jêh ma khân may nau đăp mpăn puăn mpeh. Yorlah Păng jao jêh phung gŭ ta n'gor tâm ti gâp, jêh ri n'gor aơ hŏ lăp jêh tanăp Brah Yêhôva jêh ri phung ƀon lan Păng.

Nau Mprơ Ơm 107:22

Ăn khân păng nhhơr ndơ ƀư brah nau tâm rnê lah ueh, Jêh ri nkoch bri lĕ kan Păng ma nau mprơ răm maak.

Nau Mprơ Ơm 110:7

Hađăch mra nhêt dak n'hor ta pĭt trong; Yor nây, hađăch n'gơr prêh bôk ma nau dơi.

Nau Mprơ Ơm 119:108

Ơ Brah Yêhôva, dăn May dơn ndơ ƀư brah gâp nơm ŭch nhhơr ma May ma nau mprơ tâm rnê bơh gâp, Jêh ri sâm nti gâp nau vay ƀư bơh May.

Nau Mprơ Ơm 138:5

Nanê̆, khân păng mra tâm rnê ma trong Brah Yêhôva, Yorlah nau chrêk rmah Brah Yêhôva jêng dŭt toyh.

Nau Mprơ Ơm 21:1

Ơ Brah Yêhôva, hađăch răm maak yor nau ktang May, Yorlah nau May tâm rklaih, păng hâk răm hâu ngăn!

Nau Mprơ Ơm 21:13

Ơ Brah Yêhôva, ăn May geh nau yơk tâm nau ktang May! Pôri hên mra mprơ jêh ri tâm rnê ma nau brah May.

Nau Mprơ Ơm 3:3

Ƀiălah Ơ Brah Yêhôva! May jêng khêl king n'gang gâp; May jêng nau chrêk rmah gâp jêh ri jêng Nơm ƀư ma gâp dơi n'gơr bôk.

Nau Mprơ Ơm 3:4

Bâr gâp kuăl nteh dăn ma Brah Yêhôva, Jêh ri tă bơh yôk kloh ueh, May plơ̆ lah ma gâp. (Sêla)

Nau Mprơ Ơm 47:1

Hơi lĕ rngôch ntil mpôl bunuyh, tap ti hom! Troh hom nau maak ma Brah Ndu.

Nau Mprơ Ơm 57:8

Ơ huêng gâp, kah rngăl hom! Ơ gong rêng loih, gong rêng, ăn dâk hom! Gâp nơm mra kah rngăl ơm ôi.

Nau Mprơ Ơm 81:1

Sŏk hom bâr mprơ ăn huy ma Brah Ndu jêng nau dăng ktang phung he; Răm maak hom đah bâr mprơ ma Brah Ndu Yakôb.

Nau Mprơ Ơm 95:1

Văch hom mprơ maak ma Brah Yêhôva, Sŏk bâr troh maak ma Lŭ Toyh nau tâm rklaih he.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

ហេឞ្រើ 13:15

Pôri, yor ma Brah Yêsu, he nhhơr mpa ƀư brah ƀaƀơ ma nau tâm rnê ma Brah Ndu, nâm bu ntĭt kao play bơh trôm mbung he mbơh amoh Păng.

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.

Nau Tâm Mpơl 15:3

Khân păng mprơ nau mprơ Y-Môis, oh mon Brah Ndu, jêh ri nau mprơ Kon Biăp pô aơ: “Ơ Kôranh Brah Ndu Geh Lĕ Nau Brah! Kan May dŭt toyh jêh ri khlay ngăn! Ơ Hađăch lĕ rngôch rnôk n'ho ro, Trong May jêng sŏng srăng jêh ri nanê̆ ngăn!

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,