Nau Mprơ Ơm 27:5 - Nau Brah Ndu Ngơi 2023

⁵ Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 27:5 ပူးပေါင်းရင်းမြစ်များ

II Nau Rêh Jêng 22:12

Y-Jôas gŭ krap ndrel khân păng tâm prao năm tâm ngih brah Brah Ndu, tâm nôk H'Athali chiă uănh tâm n'gor.

Nau Mprơ Ơm 10:1

Ơ Brah Yêhôva! Mâm ƀư May gŭ ngai? Mâm ƀư May pôn muh măt tâm rnôk geh nau rêh ni?

Nau Mprơ Ơm 119:114

May jêng ntŭk gâp krap jêh ri khêl gâp; Gâp kâp gân tâm nau May ngơi.

Nau Mprơ Ơm 138:7

Nđâp tơlah gâp hăn tâm nklang nau uh ah, May ăt mât mray nau rêh gâp; May mra yơr ti May tâm rdâng ma nau phung rlăng ji nuih gâp, Jêh ri ti ma May tâm rklaih gâp.

Nau Mprơ Ơm 17:8

Dăn Kôranh Brah king n'gang gâp nâm bu găr klŏ măt; Dăn pôn gâp tâm dâng gui năr May,

Nau Mprơ Ơm 18:33

Păng ƀư ma jâng gâp ngăch nâm bu jâng jun me Jêh ri dơm gâp gŭ nâp lĕ ntŭk prêh klơ.

Nau Mprơ Ơm 31:20

May pôn khân păng tâm ntŭk ndâp tanăp măt May Gŭ ngai đah nau kon bunuyh ŭch ƀư; May king n'gang khân păng tâm ngih bok Gŭ ngai đah mbung mpiăt tâm djrel.

Nau Mprơ Ơm 31:21

Mât ton tâm rnê ma Brah Yêhôva Yorlah Păng hŏ tâm mpơl jêh nuih n'hâm ueh khlay ma gâp Tơlah bu nchueng gâp tâm ƀon.

Nau Mprơ Ơm 40:2

Păng djôt gâp hao bơh ntu ƀư rai. Bơh nung bŏk rhuh. Păng dơm jâng gâp ta klơ lŭ toyh Jêh ri ƀư ăn nhuat gâp jêng nâp.

Nau Mprơ Ơm 40:3

Păng dơm tâm trôm mbung gâp du nau mprơ mhe, Nây jêng nau mprơ tâm rnê ma Brah Ndu he. Âk bunuyh mra saơ nau nây jêh ri klach yơk Djôt nuih n'hâm rnơm nsing ma Brah Yêhôva.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 57:1

Ơ Brah Ndu! Yô̆ nđach ma gâp, yô̆ nđach ma gâp, Yorlah huêng gâp nde krap tâm May! Di yơh, gâp nde krap tâm dâng gui năr May Kŏ tât nau mhĭk rlau lôch.

Nau Mprơ Ơm 61:2

Bơh ntŭk dŭt bri neh, gâp kuăl ma May Yorlah nuih n'hâm gâp rêh ni. Njŭn gâp tât ta lŭ toyh Prêh lơn ma gâp.

Nau Mprơ Ơm 61:3

Yorlah May jêng ntŭk gâp gŭ krap, Jêng ntŭk tŭm nâp gay der luh bơh phung rlăng.

Nau Mprơ Ơm 77:2

Tâm nar rêh ni, gâp joi Kôranh Brah; Dôl măng, ti gâp yơr ăn sŏng mâu rgănh ôh; Ƀiălah huêng gâp mâu geh nau bonh leng.

Nau Mprơ Ơm 83:3

Khân păng nchră mĭn ƀư mhĭk ma phung ƀon lan May, Nchră ƀư ndrăng khân păng nơm gay tâm rdâng ma phung May king n'gang.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 26:20

Ơ phung ƀon lan Gâp, lăp hom tâm jrô, Jêh ri nchăng lơi mpông. Nde krap hom ƀât lât, Kŏ tât nau ji nuih hŏ rlau jêh.

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Mathay 23:37

“Hơi Yêrusalem, Yêrusalem! May nkhĭt phung nơm mbơh lor jêh ri klŭp ma lŭ phung bu njuăl ma may! Âk tơ̆ jêh Gâp ŭch tâm rgum phung kon may tâm ban ma iăr me rtŭk kon păng, gay pôn lơi tâm dâng năr păng, ƀiălah khân may mâu ŭch ôh!

Kôlôh 3:3

yorlah khân may khĭt jêh, nau rêh khân may pôn jêh ndrel ma Brah Krist tâm Brah Ndu.