Nau Mprơ Ơm 27:1 - Nau Brah Ndu Ngơi 2023

¹ Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 27:1 ပူးပေါင်းရင်းမြစ်များ

Ndrom Samƀŭt bơh Yôp 29:3

Lah ŭnh kađen Kôranh Brah sol ang klơ bôk gâp, Jêh ri yor tă nau ang Păng gâp hăn rgăn lĕ nau ngo klĕng.

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 118:21

Gâp mra tâm rnê ma May yorlah May lŏ plơ̆ lah jêh ma gâp Jêh ri May jêng nau tâm rklaih gâp.

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 18:28

Kôranh Brah mpoh ŭnh kađen gâp; Brah Yêhôva Brah Ndu gâp mra sol ang ntŭk nau ngo gâp.

Nau Mprơ Ơm 18:29

Tă May gâp rduh lăp tâm phung tahan rlăng, Nsing ma Brah Ndu, gâp mra hăn rgăn mpêr ƀon.

Nau Mprơ Ơm 18:46

Brah Yêhôva gŭ rêh mro mrăng! Lŭ Toyh khư ma gâp mât ton tâm rnê! Dăn Brah Ndu nau tâm rklaih gâp geh nau yơk!

Nau Mprơ Ơm 19:14

Ơ Brah Yêhôva jêng Lŭ Toyh jêh ri Nơm Tâm Chuai gâp, Ăn bâr mbung nau gâp ngơi, Jêh ri nau mĭn rvê tâm nuih n'hâm gâp tĭng mĭn ueh May ŭch!

Nau Mprơ Ơm 3:8

Nau tâm rklaih jêng Brah Yêhôva. Dăn Kôranh Brah ăn nau ueh uĭn ma phung ƀon lan May! (Sêla)

Nau Mprơ Ơm 43:2

Ơ Brah Ndu! May jêng pôih nâp ma gâp. Mâm ƀư May chalơi gâp? Mâm ƀư gâp rngot klâng. Tâm dâng nau tŭn jot phung rlăng?

Nau Mprơ Ơm 62:2

Knŏng du huê Păng jêng lŭ toyh jêh ri nau tâm rklaih gâp; Jêng ntŭk gâp gŭ krap tâm ban lĕ; gâp mâu mra geh nau mpât n'gơ ôh.

Nau Mprơ Ơm 62:6

Knŏng du huê Păng yơh jêng lŭ toyh gâp jêh ri nau tâm rklaih gâp, Jêng ntŭk gâp nde krap; gâp mâu mra geh nau mpât n'gơ ôh.

Nau Mprơ Ơm 84:11

Yorlah Yêhôva Brah Ndu jêng nar jêh ri khêl; Brah Yêhôva mra ăn nau yô̆ jêh ri nau chrêk rmah; Păng mâu dun du ntil nau ueh ôh Ăn ma phung gŭ rêh nŭm rĭng.

Nau Ngluh Êjipt 15:2

Brah Yêhôva jêng nau dăng jêh ri jêng nau gâp mprơ: Păng jêng Nơm tâm rklaih gâp. Păng jêng Brah Ndu gâp, gâp tâm rnê ma Păng; Jêng Brah Ndu chô yau gâp, gâp yơk mbah ma Păng.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 2:5

Hơi ngih Yakôb, văch hom! Ăn he chuat hăn hom tâm nau ang Brah Yêhôva.

Êsai 45:24

Bu mra lah ma Gâp pô aơ: “Knŏng tâm Brah Yêhôva yơh geh nau sŏng srăng jêh ri nau ktang;” Jêh ri bu mra văch ma Păng. Lĕ rngôch bunuyh ji nuih đah Păng mra bêk.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 8:26

Brah Yêsu lah: “Hơi phung geh djê̆ nau chroh ri, mâm ƀư khân may klach?” Păng dâk ro buay sial jêh ri dak mƀŭt, khân păng nsrŭng ro jêh ri rngân njup.

Luka 2:30

Yorlah măt gâp saơ jêh nau tâm rklaih bơh May,

Luka 3:6

Jêh ri lĕ kon bunuyh mra saơ nau tâm rklaih tă bơh Brah Ndu.”

Yôhan 1:9

Aơ jêng nau ang ngăn tât jêh ta neh ntu gay sol ang ma lĕ rngôch bunuyh.

Yôhan 8:12

Brah Yêsu lah đŏng ma phung ƀon lan pô aơ: “Gâp jêng nau ang ma neh ntu, mbu nơm tĭng Gâp mâu mra hăn tâm nau ngo ôh, ƀiălah mra geh nau ang ma nau rêh.”

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

Nau Vay Nkah Tay 7:18

Ƀiălah khân may lơi klach ôh. Kah gĭt tay hom moh nau Yêhôva Brah Ndu khân may hŏ ƀư jêh ma Pharaôn jêh ri ma lĕ n'gor Êjipt.

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.

Philip 4:13

Gâp dơi ƀư lĕ ntil ndơ yor ma Brah Krist ăn n'hâm suan ma gâp.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.

Nau Tâm Mpơl 7:10

Khân păng nter huy ngăn pô aơ: “Nau tâm rklaih jêng ndơ Brah Ndu he, Nơm gŭ ta klơ sưng hađăch, jêh ri jêng ndơ Kon Biăp.”