Nau Mprơ Ơm 25:9 - Nau Brah Ndu Ngơi 2023

⁹ May njŭn leo phung dêh rhêt tâm nau sŏng, Ntĭm nti trong May ma phung dêh rhêt.

Nau Mprơ Ơm 25:9 ပူးပေါင်းရင်းမြစ်များ

Nau Mprơ Ơm 119:35

Ăn gâp hăn tĭng trong nau vay May ntăm Yorlah gâp rŏng trong nây.

Nau Mprơ Ơm 119:66

Sâm nti gâp nau gĭt rbăng jêh ri gĭt lor nau di Yorlah gâp chroh jêh ma nau vay May ntăm.

Nau Mprơ Ơm 143:10

Sâm nti gâp ƀư tĭng nau May ŭch, Yorlah May jêng Brah Ndu gâp; Brah May jêng ueh Njŭn leo gâp tâm neh lâng.

Nau Mprơ Ơm 147:6

Brah Yêhôva kâp kơl phung dêh rhêt, Ƀiălah lơh rlâm phung ƀai tŭp ta neh.

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 22:26

Phung blau tông bâr mra sông sa jêh ri dơi hơm; Phung tĭng joi Brah Yêhôva mra tâm rnê ma Păng; Ăn bunuyh geh nuih n'hâm dêh rhêt dơi rêh lĕ rngôch rnôk n'ho ro.

Nau Mprơ Ơm 23:3

Păng ăn gâp sĭt n'hâm suan Njŭn gâp hăn tâm trong sŏng srăng, Ma yor amoh Păng.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 73:24

May mra sŏk nau ntĭm nti gay ma njŭn leo gâp, Jêh nau nây, vơt rom gâp tâm nau chrêk rmah.

Nau Mprơ Ơm 76:9

Brah Ndu dâk phat dôih Gay tâm rklaih lĕ rngôch phung dêh rhêt ta neh ntu. (Sêla)

Nau Hôr 8:20

Gâp chuat tĭng tâm trong nau sŏng srăng, Gŭ tâm trong di,

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Sôphôni 2:3

Hơi lĕ rngôch jêng phung dêh rhêt tâm bri neh, Jêng bunuyh mra ƀư tĭng nau Kôranh Brah ntăm, Joi hom Brah Yêhôva, Joi hom nau sŏng srăng, joi nau rdơ̆ rbăn; Klăp lah khân may mra dơi king n'gang Tâm nar Brah Yêhôva ji nuih.

Mathay 5:5

Ueh maak ngăn ma phung dêh rhêt, Yorlah mra sŏk dơn lĕ neh ntu!

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

Kôranh Oh Mon 9:2

dăn samƀŭt nkoch lor ma phung ngih rƀŭn ta ƀon Đamas, gay ma tơlah tâm mâp mbu moh jêng Bunuyh Nau Chroh, mâu kơp bu ur mâu lah bu klâu, păng mra nhŭp chăp têk leo khân păng ta ƀon Yêrusalem.

Galati 5:23

Mâu mâp geh nau vay dơi buay lĕ nau nây.

ហេឞ្រើ 10:20

ma trong mhe jêh ri rêh Păng pơk jêh ma he rgăn bok nching, nâm bu ntĭt rgăn nglay săk Păng nơm;

Yakơ 1:21

Pôri, chalơi hom lĕ nau ƀơ̆ ƀơch jêh ri lĕ nau djơh mhĭk dôl geh lam ntŭk, ăn khân may geh nuih n'hâm rdơ̆ rbăn rom dơn nau ngơi tăm jêh tâm phung khân may, jêng nau ngơi dơi tâm rklaih huêng khân may.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

I Pêtrôs 3:4

ƀiălah nkrơ̆ hom bunuyh ndâp tâm trôm ma nau ueh mâu blau ôm rai tâm nuih n'hâm rdơ̆ rbăn jêh ri gŭ rklăk; nây jêng nau khlay dŭt hâu tanăp Brah Ndu.