Nau Mprơ Ơm 25:8 - Nau Brah Ndu Ngơi 2023

⁸ Brah Yêhôva jêng ueh jêh ri sŏng, Yor nây, May knŏng nti trong ma phung tih.

Nau Mprơ Ơm 25:8 ပူးပေါင်းရင်းမြစ်များ

Nau Mprơ Ơm 119:68

May jêng ueh, jêh ri lơ hô ƀư nau ueh ƀaƀơ; Sâm nti gâp lĕ nau vay ƀư bơh May.

Nau Mprơ Ơm 32:8

Gâp mra nti may, ntĭm ma may trong mra hăn; Măt Gâp mra treng jêh ri sâm nti may.

Nau Mprơ Ơm 92:15

Gay tâm mpơl ma Brah Yêhôva jêng sŏng; Păng jêng lŭ toyh ma gâp, jêh ri tâm Păng mâu geh du ntil nau kue ôh.

Êsai 26:7

Trong phung sŏng srăng jêng trong di; Ơ Nơm Sŏng Srăng, dăn May ƀư ăn lâng trong phung sŏng srăng.

Mika 4:2

Geh âk bri dak mra văch tât ta nây jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb! Păng mra sâm nti ma he trong Păng Gay he mra dơi hăn tâm ăp trong Păng.” Yorlah nau vay mra luh bơh Siôn, Nau Brah Yêhôva ngơi luh bơh Yêrusalem.

Mathay 9:13

Hăn hom, jêh ri nti ăn gĭt nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh.’ Yorlah gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.