Nau Mprơ Ơm 25:6 - Nau Brah Ndu Ngơi 2023

⁶ Ơ Brah Yêhôva, ăn kah gĭt nau yô̆ nđach jêh ri nuih n'hâm ueh May. Yorlah bar ntil nau nây geh bơh kăl e.

Nau Mprơ Ơm 25:6 ပူးပေါင်းရင်းမြစ်များ

Nau Ntơm 24:27

jêh ri lah: “Lah ueh ma Brah Yêhôva, jêng Brah Ndu Y-Abraham jêng kôranh gâp! May geh nau ueh mro jêh ri răp jăp đah kôranh gâp! Bi ma gâp, Brah Yêhôva hŏ njŭn leo trong gâp tât ta ngih oh nâu kôranh gâp.”

Nau Ntơm 32:9

Y-Yakôb mbơh sơm: “Ơ Brah Ndu Y-Abraham, chô yau gâp! Brah Ndu Y-Isăk, mbơ̆ gâp! Ơ Brah Yêhôva, Nơm hŏ lah jêh ma gâp pô aơ: ‘Sĭt hom ma ƀon tơm may jêh ri ma phung mpôl băl may. Gâp mra ƀư ueh ma may.’

II Nau Rêh Jêng 6:42

Ơ Yêhôva Brah Ndu! Lơi chalơi ôh nơm May tŏ dak ƀâu kah. Kah gĭt hom ma nau May ueh ma Y-Đavit jêng oh mon May.”

Nêhêmi 13:22

Gâp ntĭnh ma phung Lêvi ăn khân păng ƀư kloh lơi khân păng nơm jêh ri hăn văch gak njrăng mpông pêr, gay prăp ma nar saƀat jêng nar kloh ueh. “Hơi Brah Ndu gâp! Dăn kah gĭt hom ma nau nây jêh ri dăn yô̆ nđach gâp tĭng nâm nau ueh toyh bơh May.”

Nêhêmi 9:19

Kôranh Brah ăt yô̆ nđach, mâu chalơi ôh khân păng tâm bri rdah. N'gâng tŭk njŭn trong nôk nar, mâu nkhah bơh khân păng, N'gâng ŭnh nchrat ang dôl bri măng ta klơ trong ăn khân păng dơi hăn.

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 103:4

Tâm chuai nau rêh may bơh ntŭk rai yot, Sŏk nau ueh jêh ri yô̆ nđach ƀư đon hađăch gay ndô ma may.

Nau Mprơ Ơm 106:1

Halêluya! Mprơ tâm rnê hom ma Brah Yêhôva, yorlah Păng jêng ueh, Nau ueh Păng hôm ƀaƀơ n'ho ro.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 107:1

Tâm rnê lah ueh hom ma Brah Yêhôva yorlah Păng jêng ueh; Nau ueh Păng hôm ƀaƀơ n'ho ro.

Nau Mprơ Ơm 119:77

Ăn nau May yô̆ nđach văch ma gâp gay ma gâp dơi rêh, Yorlah gâp rŏng kơnh ma nau vay May.

Nau Mprơ Ơm 40:11

Ơ Brah Yêhôva! Lơi rhuăt ôh Nau yô̆ nđach May ma gâp; Ăn nau ueh jêh ri nau nanê̆ ngăn May Mât mray gâp ƀaƀơ.

Nau Mprơ Ơm 69:13

Ƀiălah Ơ Brah Yêhôva! Rnôk nơih aơ gâp mbơh sơm ma May. Ơ Brah Ndu! Tĭng nâm nau yô̆ nđach toyh hâu ngăn May jêh ri tĭng nau ngăn tâm rklaih tă bơh May, Dăn mplơ̆ lah nau gâp.

Nau Mprơ Ơm 69:16

Ơ Brah Yêhôva! Dăn mplơ̆ lah nau gâp yor nau ueh May jêng ueh; Tĭng nâm nau yô̆ nđach rmeh ler May, dăn n'gĭl ma gâp.

Nau Mprơ Ơm 98:3

Păng kah gĭt tay nau ueh jêh ri ma nau răp jăp Păng Đah ngih phung Israel; Lĕ rngôch dŭt bri neh saơ jêh Nau yô̆ Brah Ndu tâm rklaih he.

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Daniel 9:18

Ơ Brah Ndu gâp, rkêng tôr iăt hom, ăn lin măt uănh ma nau hên jêng rngot njăp jêh ri ƀon toyh bu kuăl ma amoh May! Hên mâu vơl dăn ma May nsing yor nau sŏng srăng hên nơm, ƀiălah yor nau yô̆ May mâu blau lôch.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Luka 1:50

Jêh ri Păng yô̆ nđach ma phung bunuyh klach yơk mbah ma Păng, Ntơm bơh rnôk aơ tât rnôk ri.

Luka 1:54

Păng hŏ kơl jêh Israel, oh mon Păng, Jêh ri kah gĭt tay nau Păng yô̆ nđach.

Luka 1:78

Yor nuih n'hâm yô̆ nđach bơh Brah Ndu he, Ang ơm ôi bơh klơ prêh chop khâl he,

II Kôrintô 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist, jêng Mbơ̆ geh nau yô̆ nđach jêh ri Brah Ndu ma lĕ nau bonh leng.

Philip 1:8

Yorlah Brah Ndu mbơh nkoch ma gâp pô aơ gâp rŏng ngăn ngên ma lĕ rngôch khân may ma nau rŏng tă bơh Brah Yêsu Krist.

Philip 2:1

Pôri, tơlah tâm Brah Krist geh nau n'hao nuih n'hâm, tơlah tâm nau rŏng geh nau bong leng, tơlah tâm Brah Huêng Ueh geh nau tâm rnglăp, tơlah geh nuih n'hâm rŏng jêh ri nau yô̆

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

I Yôhan 3:17

Tơlah mbu nơm geh drăp ndơ tâm rnôk aơ, saơ oh nâu păng nơm gŭ tâm nau pưt kƀah ƀiălah mâu geh nuih n'hâm rŏng, mâm ƀư nau Brah Ndu rŏng dơi gŭ tâm bunuyh nây?