Nau Mprơ Ơm 25:4 - Nau Brah Ndu Ngơi 2023

⁴ Ơ Brah Yêhôva, ăn gâp gĭt lĕ trong May Jêh ri ntĭm nti an gâp lĕ trong May.

Nau Mprơ Ơm 25:4 ပူးပေါင်းရင်းမြစ်များ

I Phung Hađăch 8:36

pôri dăn Kôranh Brah klơ trôk rkêng tôr iăt khân păng, yô̆ an ma nau tih ma phung oh mon May jêh ri ma phung ƀon lan Israel May. Dăn ma May sâm nti ma khân păng trong di gay ma khân păng mra hăn, jêh ri ăn dak mih tŭp tâm neh Kôranh Brah ăn jêh ma phung ƀon lan May jêng drăp ndơn.

Nau Mprơ Ơm 119:27

Ăn gâp gĭt rbăng trong nau vay ntăm bơh May, Pôri gâp mra gŭ mĭn ma lĕ nau kan khlay May.

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 27:11

Ơ Brah Yêhôva! Dăn ntĭm nti gâp trong May; Dăn njŭn gâp lăp tâm trong lâng Ma yor lĕ phung rlăng gâp.

Nau Mprơ Ơm 5:1

Ơ Brah Yêhôva, dăn rkêng tôr iăt nau gâp ngơi, Sek uănh nau lŭng nter gâp.

Nau Mprơ Ơm 5:8

Ơ Brah Yêhôva, ma yor phung rlăng gâp, Dăn njŭn leo gâp tâm trong sŏng srăng May, Jêh ri ƀư lâng trong Kôranh Brah tanăp măt gâp.

Nau Mprơ Ơm 86:11

Ơ Yêhôva, sâm nti gâp trong May, Pôri gâp mra hăn tâm nau ngăn May; Ăn nuih n'hâm gâp ăn blau klach yơk ma amoh May.

Nau Ngluh Êjipt 33:13

Pôri aƀaơ, lah gâp geh jêh nau yô̆ tanăp măt May, dăn mpơl trong May ma gâp gay ma gâp dơi gĭt năl May jêh ri geh nau yô̆ tanăp măt May. Ăn May kơp phung ndŭl mpôl aơ jêng phung ƀon lan May!”

Nau Hôr 8:20

Gâp chuat tĭng tâm trong nau sŏng srăng, Gŭ tâm trong di,

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’