Nau Mprơ Ơm 25:21 - Nau Brah Ndu Ngơi 2023

²¹ Ăn nau kloh ueh jêh ri nau sŏng king n'gang gâp, Yorlah gâp kâp gân Kôranh Brah.

Nau Mprơ Ơm 25:21 ပူးပေါင်းရင်းမြစ်များ

Nau Mprơ Ơm 26:1

Ơ Brah Yêhôva, koh dŏng hom gâp, Yorlah gâp chuat jêh hăn tâm nau sŏng; Gâp rnơm nsing ma Brah Yêhôva, mâu rdja nuih ôh.

Nau Mprơ Ơm 26:11

Bi ma gâp, gâp mra chuat hăn tâm nau di, Dăn may chuai gâp jêh ri yô̆ nđach gâp ƀă.

Nau Mprơ Ơm 41:12

May kuăn rdâng gâp yor nau sŏng gâp; May njêng gâp gŭ nâp tanăp May n'ho ro.

Nau Mprơ Ơm 7:8

Brah Yêhôva phat dôih mpôl băl bunuyh. Ơ Brah Yêhôva, dăn phat dôih ma gâp tĭng nau sŏng srăng gâp Jêh ri tĭng nau kloh ta nuih n'hâm gâp.

Nau Hôr 11:3

Nau di phung sŏng têk ndrêng khân păng, Bi nau tih mhĭk phung mâu răp jăp ƀư rai khân păng.

Nau Hôr 20:7

Bunuyh sŏng srăng gŭ ngao tâm nau ueh; Phung kon sau bunuyh nây geh nau ueh lăng ngăn!

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Kôranh Oh Mon 24:16

Yor nây, gâp srôih ƀaƀơ gay geh nuih n'hâm sŏng, mâu geh nau nduyh ôh tanăp Brah Ndu jêh ri tanăp kon bunuyh.

I Samuel 26:23

Brah Yêhôva mra nkhôm ăn ăp nơm tĭng nâm nau sŏng srăng jêh ri nuih n'hâm răp jăp păng. Nar aơ, Păng hŏ jao jêh hađăch tâm ti gâp, ƀiălah gâp mâu ŭch yơr ti gâp ƀư ma nơm Brah Yêhôva hŏ tŏ jêh dak ƀâu kah.