Nau Mprơ Ơm 25:15 - Nau Brah Ndu Ngơi 2023

¹⁵ Măt gâp uănh ƀaƀơ mpeh ma Brah Yêhôva, Yor Păng mra rklaih jâng gâp luh tă bơh jal.

Nau Mprơ Ơm 25:15 ပူးပေါင်းရင်းမြစ်များ

I Phung Hađăch 1:20

Hơi hađăch jêng kôranh gâp! Lĕ rngôch măt phung Israel rle uănh ma may, kâp uănh ma may mbơh ma khân păng gĭt mbu nơm mra gŭ ta sưng hađăch gay chiă uănh thoi ntrok may.

II Nau Rêh Jêng 20:12

Ơ Brah Ndu hên! Mâu di hĕ May mra phat dôih khân păng? Yorlah hên mâu tŏng nau ktang gay tâm rdâng đah phung tahan âk râk dôl văch lơh hên. Hên mâu gĭt ôh mâm mra ƀư, ƀiălah măt hên gŭ uănh ma May!”

Nau Mprơ Ơm 123:2

Nâm bu măt phung oh mon Uănh ta ti kôranh bu klâu khân păng. Nâm bu măt phung oh mon bu ur Uănh ta ti kôranh bu ur păng, Tâm ban pônây lĕ măt hên kâp gân ma Yêhôva Brah Ndu hên, Kŏ tât Păng yô̆ nđach ma hên.

Nau Mprơ Ơm 141:8

Ơ Yêhôva Kôranh Brah! Măt gâp kâp gân May, Gâp nde krap tâm May; lơi chalơi huêng gâp gŭ êng ôh.

Nau Mprơ Ơm 31:4

Dăn Kôranh Brah đŏt lơi gâp bơh nhuăl khân păng hŏ nthăng jêh, Yorlah May jêng ntŭk gâp gŭ krap.

Yêrêmi 5:26

Yorlah nklang ƀon Gâp geh phung ƀai; Khân păng vơr rmiăt nâm bu bunuyh dăk sĭm, Sân dăk nhŭp bunuyh.