Nau Mprơ Ơm 25:11 - Nau Brah Ndu Ngơi 2023

¹¹ Ơ Brah Yêhôva! Yor amoh May, Yô̆ an ma gâp, yorlah gâp ƀư tih jâk.

Nau Mprơ Ơm 25:11 ပူးပေါင်းရင်းမြစ်များ

Nau Mprơ Ơm 109:21

Ƀiălah ơ Kôranh Brah jêng Brah Yêhôva, Yor ma amoh May, ăn May ƀư nau yô̆ ma gâp; Yorlah nuih n'hâm ueh Kôranh Brah jêng nau ueh, dăn tâm rklaih hom gâp.

Nau Mprơ Ơm 143:11

Ơ Brah Yêhôva, yorlah amoh May, ƀư rêh hom gâp; Tâm nau sŏng srăng May, mphâk lơi huêng gâp bơh nau uh ah.

Nau Mprơ Ơm 31:3

Yorlah Kôranh Brah jêng lŭ toyh ngăn jêh ri pôih nâp gâp; Yor ma amoh May, njŭn leo gâp.

Nau Mprơ Ơm 79:9

Ơ Brah Ndu jêng Nơm tâm rklaih hên, dăn kơl hên, Yorlah nau chrêk rmah tâm amoh May; Dăn May tâm rklaih jêh ri yô̆ ma nau tih hên, Ma yor amoh May.

Nau Ngluh Êjipt 34:7

Djôt prăp nau rŏng kŏ tât rbăn rô̆ nuyh, Yô̆ an nau djơh mhĭk, nau ƀư tih jêh ri nau tih; Ƀiălah mâu kơp nơm geh nau tih ôh jêng mâu geh nau tih, Ƀiălah yor nau tih phung chô yau mra rmal ma phung kon sau kŏ tât pe, puăn rô̆ nuyh.”

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 48:9

Yor amoh Gâp dĭng Gâp ât lơi nau ji nuih; Yor nau chrêk rmah Gâp dĭng Gâp nkân lơi nau ji nuih đah may, Gay ma mâu ƀư rai may.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Êsêkiêl 36:22

Yor nây, lah hom ma ngih Israel pô aơ: ‘Kôranh Brah Yêhôva lah: Hơi ngih Israel, mâu di yor ma khân may dĭng Gâp ƀư nau nây, ƀiălah yor amoh kloh ueh Gâp khân may hŏ ƀư mhĭk jêh tâm nklang lĕ phung ƀon lan jêng ntŭk khân may hŏ tât.

Samƀŭt Pôl Njuăl Ăn Ma Phung Nsing Ta Ƀon Rôm 5:15

Ƀiălah nau tih mâu tâm ban ma nau ăn ma tă bơh Kôranh Brah ôh. Yorlah tơlah bơh nau tih du huê bunuyh âk bunuyh khĭt jêh, ri mơ nau yô̆ lơ hô toyh lơn, jêh ri ndơ ăn tâm nau yô̆ luh tă bơh du huê Bunuyh jêng Brah Yêsu Krist lơ hô âk rmeh ma âk bunuyh êng êng đŏng.

I Yôhan 2:12

Hơi phung kon jê̆, gâp nchih ma khân may yor nau tih khân may geh nau yô̆ an jêh yor amoh Păng.