Nau Mprơ Ơm 24:7 - Nau Brah Ndu Ngơi 2023

⁷ Hơi lĕ mpông pêr, n'gơr hom bôk! Hơi mpông pêr ntơm saơm, pơk hom ăn prêh, Gay ma Hađăch chrêk rmah mra lăp.

Nau Mprơ Ơm 24:7 ပူးပေါင်းရင်းမြစ်များ

II Samuel 6:17

Pônây, khân păng djôt leo Hip Nau Tâm Rnglăp Brah Yêhôva lăp dơm ta nklang ngih bok Y-Đavit hŏ ndâk jêh; jêh nây Y-Đavit nhhơr ndơ ƀư brah gŭch jêh ri ndơ ƀư brah ma nau đăp mpăn tanăp măt Brah Yêhôva.

I Phung Hađăch 8:11

kŏ tât yor ndâr tŭk nây phung kôranh ƀư brah mâu dơi dâk ôh gay pah kan nhhơr, yorlah nau chrêk rmah Brah Yêhôva lĕ bêng ma ngih Brah Yêhôva.

I Phung Hađăch 8:6

Phung kôranh ƀư brah tung Hip Nau Tâm Rnglăp Brah Yêhôva n'gân tâm ntŭk ta trôm dŭt ngih brah, jêng Ntŭk Dŭt Kloh Ueh, tâm dâng nting năr chêrubim.

Nau Mprơ Ơm 132:8

Ơ Brah Yêhôva, gơnh lăp ta ntŭk May rlu Ndrel Hip Nau Tâm Rnglăp bêng nau brah May!

Nau Mprơ Ơm 21:1

Ơ Brah Yêhôva, hađăch răm maak yor nau ktang May, Yorlah nau May tâm rklaih, păng hâk răm hâu ngăn!

Nau Mprơ Ơm 21:5

Yor nau Kôranh Brah tâm rklaih, păng geh nau chrêk rmah toyh; May nsoh ma păng nau yơk jêh ri nau rnam.

Nau Mprơ Ơm 97:6

Lĕ ndâr trôk mbơh nau sŏng srăng Păng, Lĕ rngôch phung ƀon lan uănh nau chrêk rmah Păng.

Êsai 26:2

Pơk hom lĕ mpông Ăn phung ƀon lan sŏng srăng, Jêng phung ƀon lan djôt prăp nuih n'hâm răp jăp, dơi lăp ta nây.

Êsai 62:10

Hăn rgăn hom, rgăn hom lĕ mpông ƀon; Nkra hom trong ma phung ƀon lan; Nkra hom trong, nkra hom trong toyh, Sŏk hom kloh lơi lŭ; N'hao hom du n'ha kơ ma phung ndŭl mpôl bunuyh.

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Markôs 16:19

Jêh ngơi kơt nây, Brah Ndu chông Păng hao klơ trôk, gŭ mpeh pa ma Brah Ndu.

I Kôrintô 2:8

Mâu geh du huê tâm phung kôranh chiă uănh tâm rnôk aơ gĭt năl nau nây, yorlah lah gĭt, khân păng mâu pâng Kôranh Brah nau chrêk rmah ta si tâm rkăng ôh.

Yakơ 2:1

Hơi phung oh nâu gâp, khân may chroh jêh ma Brah Yêsu Krist, Kôranh Brah he geh nau chrêk rmah, lơi gŭ du ding ôh.

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”