Nau Mprơ Ơm 24:4 - Nau Brah Ndu Ngơi 2023

⁴ Nây jêng bunuyh geh ti kloh ueh jêh ri nuih n'hâm kloh, Mâu jao huêng păng ma rup brah dơm dam, Mâu lĕ ton săk ma nau mƀruh.

Nau Mprơ Ơm 24:4 ပူးပေါင်းရင်းမြစ်များ

Nau Ntơm 6:5

Brah Yêhôva saơ nau djơh mhĭk kon bunuyh lam klơ neh jêh ri khân păng knŏng rvê mĭn ma nau djơh mhĭk dơm,

Ndrom Samƀŭt bơh Yôp 17:9

Ƀiălah bunuyh sŏng srăng djôt nâp trong khân păng hăn, Bunuyh geh bar đah ti kloh rsang lơ nar lơ hâu dăng lơn.

Ndrom Samƀŭt bơh Yôp 9:30

Tơlah gâp ŭm tâm pler Rao ti ma dak buh,

Nau Mprơ Ơm 143:8

Ơm ôi, ăn gâp iăt nuih n'hâm ueh May, Yorlah gâp rnơm nsing ma May; Dăn ntĭm ăn gâp gĭt, trong gâp mra hăn, Yorlah huêng gâp kâp gân May.

Nau Mprơ Ơm 15:4

Păng mưch rmot ma phung djơh mhĭk, Ƀiălah yơk ma phung blau yơk ma Brah Yêhôva; Păng hŏ ton jêh Nđâp tơlah nau huach ăt mâu rgâl ôh;

Nau Mprơ Ơm 18:20

Brah Yêhôva hŏ nkhôm jêh ma gâp tĭng nâm nau sŏng srăng gâp, Mplơ̆ ma gâp tĭng nâm nau kloh ti gâp.

Nau Mprơ Ơm 25:1

Ơ Brah Yêhôva, gâp nhhơr huêng gâp ma May.

Nau Mprơ Ơm 26:6

Ơ Brah Yêhôva, gâp mra rao ti tâm nau mâu geh nau tih, Jêh ri hăn ndăch jŭm nơng ƀư brah May.

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Nau Mprơ Ơm 51:12

Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Mprơ Ơm 73:1

Nanê̆ Brah Ndu jêng ueh ngăn ma phung Israel, Nây jêng phung geh nuih n'hâm kloh rsang.

Nau Hôr 20:9

Mbu dơi lah: “Gâp hŏ ƀư kloh jêh nuih n'hâm gâp nơm; Gâp hŏ kloh jêh nau tih”?

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Êsêkiêl 18:15

tơlah kon nây mâu sa ndơ ƀư brah ta klơ yôk mâu lah mâu kâp gân ma rup brah ngih phung Israel; tơlah mâu ƀư prêng ma ur phung chiau meng păng;

Êsêkiêl 18:6

mâu sa ôh ndơ nhhơr ta klơ yôk mâu lah kâp gân ma phung rup brah ngih Israel; mâu ƀư bêk prêng ôh ur chiau meng păng mâu lah mâu gŭ êp ôh ma du huê bu ur dôl geh săk bu ur;

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 5:8

Ueh maak ngăn ma phung geh nuih n'hâm kloh ueh, Yorlah mra saơ Brah Ndu!

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 15:9

Păng mâu tâm nkhah phung he đah phung bu năch jêng êng êng ôh, ƀiălah Păng ƀư kloh nuih n'hâm khân păng ma nau chroh.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.

I Timôthê 1:10

ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

I Timôthê 2:8

Pôri, gâp ŭch ma phung bu klâu tâm lam ntŭk yơr ti kloh ueh klơ trôk gay mbơh sơm da dê, mâu ji nuih jêh ri tâm djrel.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.