Nau Mprơ Ơm 24:3 - Nau Brah Ndu Ngơi 2023

³ Mbu mra hao ta yôk Brah Yêhôva? Mbu nơm mra dơi dâk tâm ntŭk kloh ueh Păng?

Nau Mprơ Ơm 24:3 ပူးပေါင်းရင်းမြစ်များ

I Nau Rêh Jêng 15:1

Y-Đavit ndâk ngih ma păng nơm tâm ƀon Đavit lôch jêh, păng ndrăp nkra du ntŭk jêh ri ndâk du mlâm ngih bok ma Hip Nau Tâm Rnglăp Brah Ndu.

Nau Mprơ Ơm 15:1

Ơ Brah Yêhôva, mbu mra gŭ tâm ngih bok May? Mbu mra gŭ ta yôk kloh May?

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 65:4

Ueh uĭn ngăn ma nơm May dơi săch Jêh ri dơi vay tât gŭ tâm nkual ngih May. Hên mra geh nau hơm mpay ma lĕ nau ueh tâm ngih May, Jêng ngih brah kloh ueh May.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Êsêkiêl 44:5

Rnôk nây, Brah Yêhôva lah ma gâp: “Hơi kon bunuyh, sek uănh hom, uănh nanê̆ ma măt jêh ri iăt ma tôr lĕ rngôch ntil nau Gâp mra lah ma may ma lĕ rngôch nau vay ƀư jêh ri nau vay ma ngih brah Brah Yêhôva. Sek uănh hom ntŭk lăp ngih brah, jêh ri lĕ rngôch trong luh tă bơh ntŭk kloh ueh.

Êsêkiêl 44:9

Kôranh Brah Yêhôva lah: ‘Mâu geh du huê bu năch mâu koh ntâu tâm nuih n'hâm jêh ri tâm săk jăn dơi lăp ntŭk kloh ueh Gâp. Rlau ma nĕ du huê phung bu năch gŭ ta nklang phung ƀon lan Israel ăt mâu dơi lăp ôh ta nây.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Yôhan 13:36

Y-Simôn Pêtrôs ơh: “Ơ Kôranh Brah, ntŭk May hăn?” Brah Yêsu plơ̆ lah: “Ta ntŭk Gâp hăn, aƀaơ may mâu dơi tĭng gâp ôh, ƀiălah nar kăndơ̆ may mra tĭng.”

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

ហេឞ្រើ 12:28

Yor nây, yor he sŏk dơn du ƀon bri hađăch mâu dơi mpât n'gơ ôh, ăn he gĭt nau lah ueh jêh ri sŏk nuih n'hâm klach yơk tâm nau pah kan ma Brah Ndu gay ƀư maak nuih n'hâm ma Păng;