Nau Mprơ Ơm 24:1 - Nau Brah Ndu Ngơi 2023

¹ Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 24:1 ပူးပေါင်းရင်းမြစ်များ

I Nau Rêh Jêng 29:11

Hơi Brah Yêhôva! May toyh ngăn, nau brah ngăn, nau chrêk rmah, nau dơi, jêh ri nau hit rnam khư ma May; yorlah lĕ rngôch ndơ klơ lĕ ndâr trôk jêh ri tâm neh ntu jêng ndơ May da dê. Hơi Brah Yêhôva! Ƀon bri hađăch jêng ndơ May; hên yơk ma May jêng Kôranh Brah ta klơ lĕ rngôch.

I Nau Rêh Jêng 29:16

Hơi Yêhôva Brah Ndu hên! Lĕ rngôch ndơ hên ndrăp nkra jêh gay ndâk ngih brah ma amoh kloh ueh Kôranh Brah, luh bơh ti Kôranh Brah nơm da dê, jêh ri lĕ rngôch ndơ jêng ndơ May nơm.

II Nau Rêh Jêng 25:9

Y-Amasia lah ma bunuyh Brah Ndu: “Mâm gâp mra ƀư ma pe rbăn kilô prăk gâp hŏ ăn jêh ma phung tahan Israel?” Bunuyh Brah Ndu plơ̆ lah: “Brah Yêhôva ăn ma may âk rmeh lơn ma rnoh nây.”

Ndrom Samƀŭt bơh Yôp 34:13

Mbu nơm ăn Păng chiă uănh rplay neh? Mbu nơm njêng Păng kôranh chiă uănh lĕ neh ntu?

Ndrom Samƀŭt bơh Yôp 41:11

Tă tâm trôm muh păng luh thŭl nhhŭk, Nâm bu khuh dak glah dôl sĭnh đah rpho treng.

Ndrom Samƀŭt bơh Yôp 41:3

Gâp mra ngơi ma lĕ kô̆ săk jăn păng, Ma n'hâm suan jêh ri nau ueh săk jăn păng.

Nau Mprơ Ơm 50:10

Yorlah lĕ rngôch mpô mpa tâm bri jêng ndơ Gâp da dê, Lĕ ntil mpô mpa gŭ tâm âk rbăn yôk tâm ban lĕ.

Nau Mprơ Ơm 50:12

Tơlah Gâp ji ngot, Gâp mâu mra mbơh nau nây ma may gĭt ôh, Yorlah neh ntu jêh ri lĕ ntil mpô mpa tâm neh ntu jêng ndơ Gâp da dê.

Nau Mprơ Ơm 89:11

Lĕ ndâr trôk jêng ndơ May da dê, neh ntu ăt ndơ May đŏng; May rhăk njêng neh ntu jêh ri lĕ ndơ gŭ tâm păng.

Nau Mprơ Ơm 89:12

Mpeh pa lơ, mpeh pa dâng rhăk njêng ăt tă bơh May; Tabor jêh ri yôk Hermôn hâk răm tâm amoh May.

Nau Mprơ Ơm 98:7

Ăn dak mƀŭt jêh ri lĕ rngôch mpô mpa tâm dak mƀŭt, Neh ntu ndrel phung gŭ tâm nây sŏk bâr mprơ nteh da dê!

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Ngluh Êjipt 9:29

Y-Môis lah: “Lah gâp luh jêh bơh ƀon, gâp mra yơr ti gâp ma Brah Yêhôva; nglaih mra nsrŭng, mih tŭp pler mra bah ro gay ma may gĭt n'gor aơ jêng ndơ Brah Yêhôva.

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Mika 4:13

Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Nahum 1:5

Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

I Kôrintô 10:26

Yorlah: “Neh ntu jêng ndơ Kôranh Brah jêh ri lĕ rngôch ndơ tâm Păng.”

Nau Vay Nkah Tay 10:14

Aơ, trôk jêh ri lĕ ndâr trôk dŭt prêh, neh ntu jêh ri lĕ rngôch mpa klơ neh jêng ndơ Yêhôva Brah Ndu khân may.