Nau Mprơ Ơm 23:6 - Nau Brah Ndu Ngơi 2023

⁶ Nanê̆ ngăn, lĕ nau rêh gâp, Nau ueh jêh ri nau yô̆ nđach mra tĭng gâp; Gâp mra gŭ tâm ngih Brah Yêhôva Kŏ tât n'ho ro.

Nau Mprơ Ơm 23:6 ပူးပေါင်းရင်းမြစ်များ

Nau Mprơ Ơm 103:17

Ƀiălah nau ueh Brah Yêhôva hôm ƀaƀơ n'ho ro Ma phung klach yơk ma Păng, Jêh ri nau sŏng srăng Păng prăp ma sau se khân păng.

Nau Mprơ Ơm 16:11

Kôranh Brah mra nchŏng ăn gâp gĭt trong nau rêh; Tanăp Kôranh Brah geh lĕ nau răm maak, Pa ma Kôranh Brah geh nau ueh maak ƀaƀơ n'ho ro.

Nau Mprơ Ơm 17:15

Ƀiălah gâp mra nsing yor nau sŏng srăng Kôranh Brah ăn dĭng saơ muh măt Kôranh Brah; Tơlah gâp kah rngăl bê̆ch, gâp mra geh nau mpay, yorlah uănh rup May.

Nau Mprơ Ơm 21:4

Păng dăn ma Kôranh Brah ăn nau rêh, jêh ri Kôranh Brah ăn jêh ma păng, Kŏ tât ăn ma păng năm khay jŏ jong n'ho ro.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

II Kôrintô 1:10

Păng yơh tâm rklaih jêh he bơh nau khĭt dŭt krit kir kơt nĕ; Păng dôl tâm rklaih hên, jêh ri hên kâp gân ma Păng mra tâm rklaih tay hên.

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

II Timôthê 4:18

Kôranh Brah mra rklaih gâp bơh lĕ nau mhĭk jêh ri djôt leo gâp lăp tâm ƀon bri hađăch Păng klơ trôk. Mbơh sơm dăn nau chrêk rmah jêng ndơ Păng n'ho ro mâu blau lôch ôh! Amen.