Nau Mprơ Ơm 23:3 - Nau Brah Ndu Ngơi 2023

³ Păng ăn gâp sĭt n'hâm suan Njŭn gâp hăn tâm trong sŏng srăng, Ma yor amoh Păng.

Nau Mprơ Ơm 23:3 ပူးပေါင်းရင်းမြစ်များ

Ndrom Samƀŭt bơh Yôp 33:30

Djôt leo huêng khân păng luh bơh ntu jru, Gay ma khân păng saơ nau ang ma nau rêh.

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 109:21

Ƀiălah ơ Kôranh Brah jêng Brah Yêhôva, Yor ma amoh May, ăn May ƀư nau yô̆ ma gâp; Yorlah nuih n'hâm ueh Kôranh Brah jêng nau ueh, dăn tâm rklaih hom gâp.

Nau Mprơ Ơm 119:176

Gâp vĭ trong nâm bu biăp hăn nhhơt trong; dăn May joi hom oh mon May, Yorlah gâp mâu chuêl ôh nau vay May ntăm.

Nau Mprơ Ơm 19:7

Nau vay Brah Yêhôva jêng nŭm rĭng, Ntop nau rêh tâm huêng Nau ntĭnh bơh Brah Yêhôva jêng nanê̆, Ƀư ma phung rluk mâl jêng blau mĭn.

Nau Mprơ Ơm 31:3

Yorlah Kôranh Brah jêng lŭ toyh ngăn jêh ri pôih nâp gâp; Yor ma amoh May, njŭn leo gâp.

Nau Mprơ Ơm 31:4

Dăn Kôranh Brah đŏt lơi gâp bơh nhuăl khân păng hŏ nthăng jêh, Yorlah May jêng ntŭk gâp gŭ krap.

Nau Mprơ Ơm 34:3

Yơk mbah Brah Yêhôva ndrel ma gâp. Phung he ndrel n'grŭp tâm rnê ma amoh Păng.

Nau Mprơ Ơm 5:8

Ơ Brah Yêhôva, ma yor phung rlăng gâp, Dăn njŭn leo gâp tâm trong sŏng srăng May, Jêh ri ƀư lâng trong Kôranh Brah tanăp măt gâp.

Nau Mprơ Ơm 51:10

Ơ Brah Ndu! Dăn njêng tâm gâp du nuih n'hâm kloh rsang Jêh ri ƀư mhe tâm gâp du huêng sŏng.

Nau Mprơ Ơm 51:12

Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Mprơ Ơm 79:9

Ơ Brah Ndu jêng Nơm tâm rklaih hên, dăn kơl hên, Yorlah nau chrêk rmah tâm amoh May; Dăn May tâm rklaih jêh ri yô̆ ma nau tih hên, Ma yor amoh May.

Nau Mprơ Ơm 85:13

Nau sŏng srăng mra hăn tanăp Păng, Jêh ri nkra trong ăn jâng Păng chuat.

Nau Hôr 4:11

Gâp hŏ nti jêh may tâm trong blau mĭn, Njŭn leo may trong sŏng nau di.

Nau Hôr 8:20

Gâp chuat tĭng tâm trong nau sŏng srăng, Gŭ tâm trong di,

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Êsêkiêl 20:14

Ƀiălah Gâp hŏ ƀư yor amoh Gâp gay ma amoh nây bu mâu ƀư ƀơ̆ tanăp phung ƀon lan êng, jêng phung ƀon lan hŏ saơ jêh Gâp leo khân păng du luh tă bơh khân păng.

Êphêsô 1:6

gay ma tâm rnê ma nau yô̆ chrêk rmah Păng hŏ ăn jêh ma he tâm Kon Păng rŏng ngăn ngên!

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!