Nau Mprơ Ơm 22:7 - Nau Brah Ndu Ngơi 2023

⁷ Lĕ rngôch mbu nơm saơ gâp gơm mưch da dê, Nsut mbung rteh bôk jêh ri lah:

Nau Mprơ Ơm 22:7 ပူးပေါင်းရင်းမြစ်များ

Ndrom Samƀŭt bơh Yôp 12:4

Gâp dôl jêng nau gơm ăn ma mĭt jiăng, Nđâp lah gâp hŏ kuăl mbơh sơm ma Brah Ndu jêh ri Păng plơ̆ lah ma gâp; Bunuyh răp jăp n'hêl nê̆ jêng nkhơng nau gơm mưch ăn ma neh ntu!

Ndrom Samƀŭt bơh Yôp 16:10

Khân păng hă mbung mưch rmot gâp, Hăt janh ngăn tap ta trôm bom gâp; Tâm rgum băl mpôl tâm rdâng đah gâp.

Ndrom Samƀŭt bơh Yôp 16:4

Tơlah khân may gŭ tâm nau rêh geh kơt gâp, Gâp dơi lah tâm ban khân may đŏng; Gâp ăt drăp nkra rplay ngơi tâm rdâng đah khân may, Jêh ri rteh bôk uănh khân may.

Nau Mprơ Ơm 109:25

Gâp jêng ndơ ma khân păng mưch; Ăp tơ̆ khân păng saơ gâp, khân păng rteh bôk.

Nau Mprơ Ơm 31:18

Ăn mbung phung mƀruh jêng mlo! Yorlah khân păng ngơi djơh, ngơi sưr jêh ri tâm rmot Ƀiălah ngơi tâm rdâng đah phung sŏng srăng.

Nau Mprơ Ơm 44:14

May ƀư ma hên jêng nau ngơi ta nklang lĕ bri dak, Tâm phung mpôl băl bunuyh mbu saơ hên ăt rteh bôk.

Êsai 49:7

Brah Yêhôva, Nơm Tâm Chuai jêh ri nơm Kloh Ueh Israel, Lah ma nơm bu rmot ngăn, Ma nơm phung ƀon lan aơ mưch rmot, jêng oh mon ma nơm geh nau dơi toyh: “Phung hađăch mra saơ jêh ri dâk; Phung kon hađăch mra păn mbah, Yorlah Brah Yêhôva jêng Nơm răp jăp, Nơm Kloh Ueh Israel, Nơm săch jêh may.”

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Êsai 57:4

Ma mbu nơm khân may mưch gơm? Ma mbu nơm khân may hă huy trôm mbung Jêh ri sŏt mpiăt tâm rdâng? Mâu di hĕ khân may jêng phung kon tâm rdâng, Jêng kon sau phung mƀruh?

Mathay 27:29

tanh du mlâm đon hađăch ma lok jêh ri ndô ta bôk Păng, jêh nây dơm du tơm rpho tâm ti pa ma Păng. Khân păng chon mon tanăp Păng, mưch rmot pô aơ: “Mbah ma hađăch phung Yuđa!”

Mathay 9:24

Păng lah: “Rŭch plơ̆ luh hom! Bu ur jê̆ aơ mâu khĭt ôh, ƀiălah păng dôl bê̆ch.” Khân păng mưch gơm ma Păng.

Markôs 15:20

Jêh hŏ mưch rmot ma Păng, phung tahan doh lơi ao chăng, nsoh ao Păng nơm jêh ri njŭn leo Păng luh padih gay pâng kđĭn ta si tâm rkăng.

Markôs 15:29

Phung hăn rgăn ta nây gơm mưch, rteh bôk jêh ri lah: “Hơ hơ! May jêng nơm ƀư rai ngih brah jêh ri ndâk đŏng tâm pe nar,

Luka 16:14

Phung Pharisi jêng phung rŏng ma prăk rêl tăng lĕ nau nây, ri mơ mưch rmot ma Brah Yêsu.

Luka 23:11

Hêrôt ndrel ma phung tahan mưch rmot jêh ri ƀư bêk prêng ma Brah Yêsu, nsoh ma Brah Yêsu ao âk ntil bok jêh nây têk leo jao Păng ma Pilat.